Sa Aking Pagbabalik part 14

Sa Aking Pagbabalik part 14

Paglabas ko at pilit na hinanap ang taong nakita ko ngunit bigo ako hindi ko na siya muling nakita pa, dahil na din siguro sa dami ng tao sa labas nung mga oras na yun. Agad agad din lumabas si Josh at harvey para sundan ako

“Jey napano ka bat mo naman kami iniwan?” pag aalalang tanong ni Josh

“hindi kasi may nakita lang ako lalaki kaninang dumaan namukhaan ko eh” tugon ko

Bumalik kami sa loob at itinuloy ang aming almusal

“Jey sino ba talaga yung nakita mo kanina?” tanong ni Harvey

“parang nakita ko kasi si Anghelo kanina” tugon ko

Bigla namang nagulat si Josh at Harvey sa aking sinabi

“huh? Diba patay na yun?” si Josh na di makapaniwala

“yun ang naikwento sa akin ni Itay, pero tingnan nyo ang sinabi lang kasi ni Itay sa akin dati, hindi na nila ito muling nakita pa hindi naman kasi sinabi na nakita nila yung bangkay nito” tugon ko

Napaisip naman ang dalawa sa aking sinabi

“Jey baka naman namalik mata ka lang, gutom lang yan” tugon ni Josh

“hindi ko alam pero sana nga buhay pa siya, matutuwa sigurado sila Inay at Itay pag nalaman nila” tugon ko

“siguraduhin mo munang tama ang hinala mo mamaya kasi niyan paasahin mo lang sila mabigo pa sila” si Josh

“oo naman, patulong na din ako kay Papa” tugon ko

“Siya nga pala Jey hintayin mo ako mamaya ha may practice lang kami sa football” si Harvey

“asa naman ayoko nga tumayo dun at maghintay” tugon ko

“may mga upuan naman kaya dun” tugon ni Harvey

“ang init init eh mangingitim ako” dahilan ko

“ala singko ng hapon mangingitim ka?” tugon ni harvey habang medyo naiinis

“ahh kasi may gagawin nga pala ako importante mamaya kaya mauuna nako hehe” dahilan ko uli

“basta hintayin mo ako mamaya” seryosong tugon ni Harvey

“hindi ba pwedeng war muna uli tayo bukas nalang tayo magbati uli? Hehe” biro ko

“bat magbabati pa tayo? Wag na kahit habang buhay na tayo di mag usap ok lang” tugon ni Harvey na halatang nainis

“kj mo naman parang nagbibiro lang eh” tugon ko

“2 years kang nawala, I just want to spend more time with you tapos ayaw mo pa” si Harvey habang medyo nagtatampo

“oo nga naman ikaw talaga Jey, pero daanan nyo din ako mamaya sa practice ha hehe” si Josh

“ok sige na, teka CR muna ako” sabay tayo ko papuntang CR

Nung pabalik nako agad ako kinausap nung dalawa

“Jey san pala galing  yung mga sugat sa siko mo?” pag aalalang tanong ni Harvey

“ahh heto ba wala mga ito natumba lang kasi ako noon kaya nasugat ako pero wag kayo mag alala pagaling na din naman eh” paliwanag ko

“eh bat naman natumba ka” tanong uli ni Harvey

“ahh eh kwan wala na out of balance lang ako” tugon ko habang medyo kinabahan na

Tumingin naman sa akin ng diretso yung dalawa, kaya lalo akong di mapakali.

“alam ko nagsisinungaling ka, matagal na tayong magkakaibigan kaya kahit hindi mo sabihin alam namin kung may tinatago ka” tugon ni Josh

“yun nga  sinabi ko na, natumba nga ako na out of balance kasi ako” tugon ko

“Jey! Ano ba” si Harvey habang medyo naiinis na

“o sige na nga sasabihin ko na, natumba kasi ako nung itulak ako at ipagtabuyan ni Mr. Villegas nung dalawin ko si Inay at Itay dati, nung makita kasi ako ni Mr. Villegas galit na galit sa akin kasi ako daw dahilan kung bakit napahamak siya kay Papa eh kaya hayun kaya nasugat ako” paliwanag ko

“pota Jey bat di mo sinabi samin ito?!” si Josh habang galit na galit

“tangina wala siyang karapatang saktan ka” si Harvey habang galit na galit din

“hayan kasi alam ko ganyan magiging reaksyon nyo besides kayo din naman may kasalanan nun kaya napapunta ako sa bahay ng mga Villegas kasi kinausap ko nga si Inay at Itay, sinabi ko na nalaman na halos sa school yung sikreto ko” tugon ko

“oi kami pa sisihin mo eh kung una pa lang sinabi mo na samin yung totoo baka di na umabot sa ganun” katwiran ni Harvey

“malay ko ba kasi kung mapagkakatiwalaan kayo nung mga panahong yun, baka isumbong nyo pa ako mawala pa scholarship ko hehe” biro ko

Binatukan naman ako ni Josh sa mga sinabi ko

“aray! Para san yun? Harvey oh si Josh” sumbong ko

“pasalamat ka malayo ako sayo baka nabatukan din kita” tugon ni Harvey

“ang susungit ng mga toh kala ko ba namis nyo ako” habang nagtatampo ako kunwari

“wag ka nga magdrama diyan, pero Jey alam mo namang ayaw namin ng may nananakit sayo eh kaya di mo maiaalis samin na di magalit dahil sa nangyari” paliwanag ni Josh

“pero alam nyo nagpapasalamat na din ako sa nangyari, alam nyo yung kanta ko dati kay Papa para sa birthday nya, yun na rin dapat yung pamamaalam ko kasi napagkasunduan din kasi namin nila Inay at Itay na babalik na kami sa isla eh” malungkot kong sambit

“bakit iiwan mo na kami?” tanong ni Harvey

“mukhang ganun na nga mangyayari nun kung hindi nyo lang nakilala tinig ko” paliwanag ko

Lumungkot naman si Josh at Harvey sa aking mga sinabi kaya ibinalik ko na lamang sa dati ang pinag uusapan.

“pero hayaan nyo nalang siya, ayaw ko naman gawin sa kanila mga ginawa nila sa akin kasi parang wala na din ako pinagkaiba sa kanila pag ginawa ko yun” tugon ko

Di na lamang kumibo si Josh at Harvey, natapos kami mag almusal at lumabas na kami para bumalik sa penthouse, habang naglalakad kami ay may narinig akong lalaking tumawag sa akin, pagharap ko ay nakita kong tumatakbo siya papalapit sa kin sabay yakap ng mahigpit sa akin.

“Jey! Salamat at buhay ka” si Paul habang yakap ako ng mahigpit

“P-Paul ikaw ba yan?” tanong ko

“oo ako nga, alam mo ba iyak ako ng iyak nung malaman kong namatay ka, buti nalang nabalitaan ko sa mga dati mong kaklase yung tunay na nangyari sayo, ang saya saya ko talaga” si Paul sabay yakap uli sa akin

Bigla namang lumapit sa amin ang isang babae na nakangiti at inakbayan ni Paul

“oo nga pala Jey gusto ko pala ipakilala si Lenny, girlfriend ko” sabay ngiti ni Paul

Gulat ako sa sinabi nya si Josh at Harvey naman ay natatawa dahil sa reaksyon ko, binati ko naman si Lenny, mukha naman siyang mabait kaya masaya ako para kay Paul.

“Pano Jey mauna na kami, tawagan kita minsan ha para magkasama naman tayo” si Paul

“wala ako cell eh wala kasi ako pambili hehe” tugon ko

“hanggang ngayon pala puro ka pa din biro ikaw talaga, sige alis nako basta magkikita parin naman tayo eh” paalam ni Paul sabay kurot sa aking pisngi

Pag alis nya ay nagtatawanan parin sila Josh at Harvey

“kala nagbibiro ako wala naman talaga ako cell noh” sambit ko

“anong wala kang cell eh ano yung binigay namin sayo dati” tanong ni Josh

“di naman akin yun para kay Anghelo yun eh” tugon ko

“wushus ang drama pero Jey pahiya ka kanina noh kung nakita mo lang itsura mo sa salamin nung malaman mong girlfriend ni Paul kasama nya kanina hahaha” pang aasar ni Harvey

“waaaa di kaya saka mukha namang mabait girlfriend nya di tulad sayo mga reject hehe” ganti kong pang aasar

“ahh ganun?” sabay suntok sa braso ko ni Harvey

“aray!, nagagalit kayo pag may nananakit sa akin pero lagi nyo naman ako sinusuntok” sambit ko

“eh lambing lang naman namin sayo yun ikaw naman oh” si Harvey sabay akbay sa akin

Bumalik na kami sa penthouse para makapaghanda sa pagpasok sa school, habang nasa kwarto ako ay medyo sumama ang pakiramdam kaya nahiga muna ako hanggang sa maka idlip ako, pagpasok ni Josh ay nilapitan nya ako para ayain na pumasok

“uy Jey gising na tanghali palang nakatulog ka nanaman” si Josh habang tintapik ako

“ahh wala umidlip lang ako sumama kasi pakiramdam ko eh” tugon ko

Hinawakan naman ni Josh ang noo ko at naramdaman nga nya na medyo mainit nga ako

“may sinat ka ahh, wag ka na muna pumasok” si Josh habang nag aalala

“hindi ayos lang ako inom nalang ako gamot mawawala din ito” tugon ko

“eh baka lumala pa yan mamaya, wag ka na pumasok” tugon ni Josh

“may exam tayo mamaya di pedeng di ako pumasok saka andyan naman kayo di nyo naman ako pababayaan diba?” tugon ko

“o sige na tumayo ka na, pero mamaya sabihin mo lang pag di mo na kaya iuuwi ka na namin” si Josh

Sasakyan ni Harvey ang ginamit namin para sabay sabay na din kaming umuwi mamaya, habang papunta kami ng school..

“Jey dapat di ka na pumasok eh mamaya nyan lumala pa yan, saka bakit nagkasakit ka nanaman? Ang hilig hilig mo kasing magpagod eh” si Harvey habang nagdadrive

Hindi na lamang ako umimik at hinintay ko nalang na makarating kami sa school, kung magrarason naman kasi ako hindi na kami matitigil. Pagdating namin sa school ay sinalubong agad kami nila Fatima.

“naks naka akbay pa si Harvey kay Jey mukhang bati na sila” pang aasar nila Fatima

“siyempre di ko naman matitiis best friend ko, heto pa labs na labs ko yata ito” si Harvey sabay higpit ng pagkakaakbay sa akin

“mabuti naman kung ganun di kasi maganda tingnan na nag aaway mag best friend” tugon ni Beth

“asan pala si Dindo bakit kayo lang?” tanong ko

“nasa may library pa eh may sinauli lang na libro” tugon ni Marie

Pagpunta namin sa may library ay isang eksena ang aming nasaksihan, habang papalabas ng library si Dindo ay di nya sinasadyang tamaan si Grace na naging sanhi ng pagkahulog ng mga gamit ni Grace

“ano ba?! pwede ba tumingin ka sa dinadaanan mo” galit na sambit ni Grace habang pinupulot ang kanyang mga nahulog na gamit

“naku Grace pasensya ka na hindi ko sinasadya di kasi kita nakita” si Dindo habang humihingi ng paumanhin at tinutulungan si Grace na pulutin ang kanyang mga gamit

Nang makuha na ni Grace lahat ng kanyang mga nahulog na gamit ay agad naman siya hinawakan ni Dindo para tulungang tumayo.

“Bitawan mo nga ako! Pwede ba mahiya ka nga ang lakas ng loob ng isang katulad mo lang na hawakan ako, malalaman ng Daddy ko itong ginawa mo tingnan lang natin kung makapag aral ka pa” galit na banta ni Grace

“pasensya ka na hindi ko talaga sinasadya” tugon ni Dindo habang nahihiya sa mga pangyayari

Bigla naman dumating si Kate, Elton at Luke sa kanilang kinaroroonan

“oh napano ka bat galit na galit ka?” tanong ni Kate

“eh hetong bwisit na toh eh haharang harang kasi” sabay turo ni Grace kay Dindo

“nagsorry na nanaman ako ahh” tugon ni Dindo

“oh nagsorry na pala eh hayaan mo na” tugon ni Kate

“oo nga naman Grace sobra ka naman kung makapag react” dagdag ni Luke

“ewan ko ba bakit pumapayag ang school na tumanggap ng mga ganitong klaseng mga estudyante nahahaluan tuloy tayo” tugon ni Grace na may halong pang iinsulto

“oi sobra na yan ha, di naman yata maganda na sabihin mo yan lalo pa sa harap nung tao” tugon naman ni Luke

“wala ako pakialam, he deserves it naman” tugon naman ni Grace

 “hindi ko talaga mapapalagpas ito, humanda ka talaga pag nalaman ito ng Daddy ko” banta ni Grace kay Dindo

Agad agad naman kami lumapit sa kanilang kinaroroonan

“para namang may magagawa pa ang daddy mo kung ipapasisante ko siya noh” sambit ko habang papalapit sa kanila

“pwede ba wag ka makialam dito at manahimik ka nalang diyan” galit na tugon ni Grace

“excuse me baka akala mo ako pa din yung Anghelo na dati mong inaapak apakan at inaalipusta, malas mo lang dahil naaalala ko na ang lahat kaya wag kang maka asta diyan na akala mo kung sino ka, tandaan mo anak ka lang ng bise presidente ng kumpanya, ako anak ng presidente at may ari ng kumpanya kaya ikaw ang manahimik diyan bago kita ilagay sa dapat mong kalagyan” tugon ko

Bigla namang natahimik si Grace sa aking mga sinabi

“alam mo akala ko dati nung hindi ka na umiimik eh nagbago ka na, wala ka parin palang pinagkaiba sa dati, napaka matapobre mo pa din. Ako mapapalampas ko pa lahat ng pinag gagawa mo sa akin dati, kaya kong kalimutan yun pero ang insultuhin ang mga kaibigan ko hinding hindi ko mapapalagpas yun” sambit ko

Umalis na lamang si Grace dahil na din sa pagkakapahiya, agad naman namin nilapitan si Dindo

“hay naku buti nalang talaga nakapag pigil ako kanina kundi sasabunutan ko talaga yun” si Marie habang gigil na gigil

“ang taray mo kanina Jey ibang klase walang nasabi ang lola mo kanina” pang aasar ni Fatima

“naman! Matagal ko na yatang nirehearse ang mga linyang yun noh bwahahaha” habang tawa ako ng tawa

Bigla naman akong binatukan ni Josh

“ikaw ha puro ka nanaman kalokohan” sambit ni Josh

“para san nanaman yun? Para nagbibiro lang eh” sabay kamot ko sa ulo ko

“ahh Josh, Harvey pasensya na pala kayo ha alam ko hindi nyo gusto yung ginawa ko kay Grace, di ko lang kasi matiis yung pang iinsulto nya kay Dindo eh” tugon ko

“sus wala yun, she deserves that naman kaya ok lang yun” ngiting tugon ni Josh

“kahit naman ako ganun din gagawin ko naunahan mo lang ako” tugon naman ni harvey habang nakangiti din

“Jey salamat nga pala kanina ha sa pagtatanggol mo sa akin” si Dindo

“sus Dindo nagpaka martir ka nanaman kanina, kung ako lang yun sinabunutan ko na yun” si Marie

“kaw talaga Marie puro naman kasi away nasa utak mo eh” tugon ni Dindo

“ewan ko pero nakita ko mga mata ni Dindo habang tinitignan si Grace, parang may mga lagkit ang kanyang mga titig, hindi kaya may hidden desire ka kay Grace? Hahaha!” pang aasar ko kay Dindo

“sira ka talaga Jey puro ka biro eh, hinding hindi ako magkakagusto dun noh” inis na tugon ni Dindo

“basta sabihin mo lang pwede ko naman siya i blackmail para mapilitan siyang mahalin ka din hahaha!” pang aasar ko pa

Binatukan naman ako ni Dindo

“aray ko, Binibiro ka lang eh pero kanina kay Grace pa sorry ka ng pasorry tapos sakin ang sungit sungit mo hmph” tugon ko

“sus heto naman biro lang yun, kaibigan kita kaya ganun” sabay akbay ni Dindo sa akin

Habang palakad na kami papasok sa classroom ay bigla akong nahilo kaya napaupo ako, nagulat naman ang aking mga kaibigan sa nangyari

“Jey ayos ka lang ba?” pag aalalang tanong nila Fatima

“oo ayos lang ako medyo nahilo lang ako” tugon ko habang tumatayo ako

“yan na nga ba sinasabi ko eh dapat di ka na kasi pumasok eh” pag aalala ni Josh habang hinawakan ako at inalalayan

“tara na ihahatid ka na namin baka kung mapano ka pa eh” si Harvey habang nag aalala

“oo nga Jey umuwi ka na kaya baka kung mapano ka pa kasi” sambit ni Marie

“ayos lang ako medyo napagod lang naman ako kanina” tugon ko habang nagpatuloy ako sa paglalakad

“ano ba Jey! Nagagalit nako ang tigas nanaman ng ulo mo eh” seryosong sambit ni Harvey

“alam mo Jey yan ang ayaw namin sayo eh kahit di mo na kaya nagpupumilit ka parin” si Josh habang galit na din

“hindi promise ayos lang talaga ako pero sige pag di ko na kaya papahatid na talaga ako sa inyo, pangako yan” tugon ko

Hindi na rin nila ako napilit kaya tumuloy na din kami sa pagpasok, pero pinaupo nila ako sa gitna nila sa dati kong lugar para nababantayan nila ako. Dumating ang lunch time naging maayos na din ang aking pakiramdam

“ano Jey ayos ka na ba?” tanong ni Dindo

“ayos lang ako sabi ko naman sa inyo eh” pagmamalaki ko

“eh kung mag isa ka lang kanina at wala kami baka napano ka na” inis na tugon ni Harvey

“sobra naman ito” tugon ko habang napayuko ako

“di mo naman maalis na mag alala kami sayo, kaw pa naman siyado ka malapit sa disgrasya” si Josh

Pagkatapos namin kumain ay pumunta muna kami sa tambayan para maghintay na lamang ng oras

“Jey uminom ka na ba ng gamot?” tanong ni Dindo

“oo pinainom na namin yan pagkatapos kumain nung mag CR ka kanina” tugon ni Josh

“Jey halika nga higa ka na muna sakin para makapagpahinga ka narin” si Harvey habang pinahiga ako sa kanyang kandungan

“ang sweet nyo talaga sa akin, mahal na mahal nyo talaga ako” pang aasar ko kay Josh at Harvey

“oo naman ikaw lang naman di maka appreciate ng mga ginagawa namin para sayo eh” tugon ni Josh

“naks ang drama binibiro ko lang kayo” tugon ko

Habang nandoon kami ay kanina pa pala kami pinagmamasdan ni Elton na nakaupo malapit sa aming kinarooonan.

“oi Jey tingnan mo si Elton kanina pa nakatingin” sambit ni Fatima

“naiinggit lang yan kay Jey, I’m sure wish nya siya yung nakahiga sa kandungan ni Harvey” tugon naman ni Beth habang natatawa

“asarin mo nga Jey” biro ni Marie

“sige sige” tugon ko naman habang natatawa

“Harvey kiss mo naman ako ohh, sige na isa lang” paglalambing ko kunwari kay Harvey

Bigla naman akong pinitik sa tenga ni Harvey

“aray! Para nagbibiro lang eh” tugon ko habang hinahawakan ko ang aking tenga

“puro ka nanaman kalokohan eh kung matulog ka na kaya muna” tugon ni Harvey

“teka Jey CR muna pala ako ha” si Harvey habang inilipat ako sa kandungan ni Josh

Habang nakahiga ako sa kandungan ni Josh ay kinausap ko siya tungkol kay Elton

“Josh naging kaibigan nyo din naman si Elton hindi ba? dalawang taon din kayo magkakasama, nung una pa nga namin dating nila Dindo at Marie dito ang balita namin ka close nyo talaga siya” tanong ko

“oo naging ka close naman namin siya pero iba kasi ang ugali nya, I know maganda hangarin niya kaso minsan kasi mali pamamaraan nya” tugon naman ni Josh

“baka pinoprotektahan nya lang kayo kaya ganun” tugon ko

“alam mo ba Jey na Elton was trying to be you, gusto nya siya pumalit sayo kila Josh at Harvey” sambit naman ni Fatima

“o ano naman masama dun ayaw nyo nun may papalit na sakin, sinwerte lang ako at nakabalik ako sa inyo pero kung minalas ako at di nako nakabalik siyempre kailangan nyo din naman humanap ng bagong kaibigan hindi ba?” tugon ko

BIgla namang dumating si Harvey

“Bakit ano ba akala mo ganun ka kadali palitan?, kahit pasaway ka ,matigas ang ulo mo at lagi kami napapahamak sayo hinding hindi ka namin ipagpapalit kahit kanino” sabay ipit ni Harvey sa ilong ko

“oo nga naman Jey ikaw talaga kung makapagsalita ka parang ganun ka lang kadali palitan” si Josh

“pero balita ko nga Harvey iyak ka ng iyak at nagwawala ka daw nung dinala ka ni Josh sa puntod ko” pang aasar ko kay Harvey

Nagtawanan naman sila Josh, Fatima, Beth, Tom at iba ko pang mga kaklase samantala si Harvey ay namula dahil sa hiya, agad naman nya ako sinuntok sa braso

“aray! Heto naman binibiro lang eh saka labs mo naman talaga ako eh” sabay bangon ko at yakap kay Harvey ng mahigpit

“pakiss nga Harvey isa lang plsss” pang aasar ko habang inilalapit ko nguso ko sa mukha nya

“landi mo nanaman ha magtigil ka nga diyan” habang inilalayo naman nya ang mukha nya sa bibig ko

“edi wag, kay Josh nalang hehe” sabay yakap ko kay Josh at hahalikan siya kunwari

“sira ka talaga Jey, tara na nga time na eh” sabay hila ni Josh sa akin para pumasok na

“sinungaling talaga mga toh sabi nyo kagabi kikiss nyo ko pag gusto ko ng kiss” biro ko

“o sige mamayang gabi kung gusto mo lips to lips pa eh” biro ni Harvey

“yak wag na” tugon ko naman

“o kita mo toh akala ko ba gusto mo ng kiss” pang aasar ni Josh

Natapos ang klase at nakapag exam naman ako ng maayos, dumating ang oras ng dismissal at gaya ng napagkasunduan ay kailangan kong maghintay kay Josh at Harvey na matapos ang practice nila

“Jey ano ayos ka na ba? kasi kung hindi pa ihahatid ka na namin” tanong ni Josh

“oo ayos nako sige mag practice nalang kayo maghihintay nalang ako” tugon ko

Nauna na si Josh at tumuloy na siya sa practice nya sa basketball at ako naman ay naiwan sa mga benches ng oval para hintayin si Harvey sa kanyang practice, ipinakilala pa nga ako ni Harvey sa kanyang mga team mates. Mga team mates palang kasi ni Josh ang mga nakilala ko dati nung si Anghelo pa ako

“Guys I want you to meet my best friend si Jey” si Harvey habang naka akbay sa akin

“hi Jey” ngiting bati naman ng kanyang mga team mates

“hello rin sa inyo” tugon ko naman habang nakangiti

“grabe ang gugwapo naman ng mga toh, tama nga si Fatima” mahina kong sambit habang kinikilig ako

“oi Jey umayos ka ha yung kaharotan mo nanaman di mo nanaman mapigilan” si Harvey habang tila alam ang aking iniisip

“uy sobra ka naman di naman ako ganun” tugon ko habang medyo nahihiya

Naupo na lang ako sa mga benches habang naghihintay matapos ang training nila, sa katunayan nasa warm up palang sila ay naiinip na ako, habang tumatakbo sila paikot ng oval ay inabutan ako ng pagkatakam sa ice cream kaya hinintay kong makaikot si Harvey upang makapag paalam ako na bibili lang muna ako ng ice cream sa labas.

“Harvey!” sigaw ko

Tumingin naman si Harvey sa aking kinaroroonan

“labas lang ako bili lang ako ng ice cream ha” paalam ko

“nilagnat ka kanina tapos ice cream? Juice bilin mo” seryosong tugon ni Harvey

“ano pa nga ba” tugon ko habang napakamot na lang ako sa ulo ko

Natawa naman ang mga team mates ni Harvey sa nangyari, lumabas muna ako ng campus para dun nalang bumili hindi na sa loob ng campus para malibang din ako kahit papaano. Habang bumibili ako ng juice ay nakita ko nanaman ang taong kamukhang kamukha ni Anghelo na pasakay ng taxi, nung hahabulin ko siya ay naka alis na ang taxi kaya agad ako pumara ng isa pang taxi upang sundan ang taong yun.

“sir saan po tayo?” tanong ng taxi driver

“mama paki sundan po yung taxi na yun” sabay turo ko sa taxi na sinasakyan nung kamukha ni Anghelo

Makalipas ang ilang minuto ay nakita kong pumasok sila sa sementeryo kung saan nakalibing si mama at ako nung akala nila ay patay na ako.

“ano ba yan sa lahat naman ng pupuntahan nito sa sementeryo pa na ganito pang oras” sambit ko sa aking sarili na medyo kinakabahan

Pagbaba nya ay bumaba na din ako may dala siyang mga bulaklak, ngunit di ko na muna siya kinausap, sinundan ko na lamang siya kung saan siya patutungo. Inilagay nya ang kanyang mga dala dalang bulaklak sa isang puntod, hinayaan ko na muna siyang mapag isa dahil alam ko importante para sa kanya ang nakahimlay doon. Matapos ang ilang minuto ay unti unti ko siyang nilapitan.

“sino siya?” tanong ko habang naka talikod siya

“ahh siya yung kumupkop sa akin dati, napakabuti nya pero maaga siya kinuha ng diyos” malungkot nyang tugon habang nakatalikod sa akin

Pagharap nya ay nagulat talaga ako dahil kamukhang kamukha nya ang larawan ng anak nila Inay at Itay

“A-Anghelo?” nauutal kong sambit

“kilala mo ako?” tugon ni Anghelo habang nagtataka

“kung ganun ikaw nga si Anghelo Suarez!” sigaw ko sabay yakap sa kanya ng mahigpit

“teka teka sino ka ba?” pagtataka ni Anghelo

“ahh ako nga pala si Jey, akala ko kasi namatay ka na buhay ka pa pala sigurado ako matutuwa sila Inay at Itay pag nalaman nila ito” tugon ko habang tuwang tuwa ako

“pano mo nalaman ang nangyari sa akin? Bat alam mo tunay kong pangalan? saka naguguluhan ako bat andami mong alam tungkol sa akin?” sunod sunod na tanong ni Anghelo

“mahaba kasing storya pero malapit ako sa Inay at Itay mo kinupkop din kasi nila ako nung napadpad ako sa isla ninyo” paliwanag ko

“pwede ba wag mo ako pinagloloko, matagal nang patay sila Inay at Itay kaya kung biro man yan hindi magandang biro yan” galit na tugon ni Anghelo habang papaalis na sa aming kinaroroonan

“teka wag ka umalis totoo naman mga sinasabi ko eh” tugon ko habang pinipigilan sya

“wala akong panahon makipag biruan sayo” galit na tugon ni Anghelo

“o sige kung ayaw mo talagang maniwala di kita pipigilan pero kung sakaling mag iba isip mo at gusto mo akong makausap puntahan mo nalang ako sa dela Vega building, Jey dela Vega nga pala pangalan ko, wala kasi ako cellphone at kung bahay naman bibigay ko baka mahirapan ka lang hanapin kaya yung building nalang namin siguro naman alam mo puntahan yun” paliwanag ko

Ngunit di na siya tumugon at nilisan na lamang ang lugar na aming kinaroroonan, naiintindihan ko ang reaksyon nya kaya hindi ko naman siya masisisi normal lang naman yun sa taong nabigla kaya hinayaan ko nalang siya. Hindi ko napansin ay inabutan na pala ako ng dilim sa sementeryo.

“waaaaaaa grabe naman sa lahat naman ng aabutan ako ng dilim dito pa nakakainis” sambit ko habang takot na takot

Nagmamadali akong maglakad palabas ng sementeryo ngunit masyado nang madilim sa labas halos wala nang mga nagdadaan kaya natatakot akong lumabas at alam ko medyo delikado na din banda dun lagi kasi nababalita na madaming naglipanang masasamang loob sa may labasan ng sementeryo, kaya pumunta na lamang ako sa guard house kung san may nakabantay na guwardiya upang makitawag nalang para magpasundo ako

“manong pwede po bang makitawag?” pakiusap ko

“sige lang” tugon naman ng guwardiya

Inisip ko kung sino ang mga pwede kong tawagan, kung si Papa at sila kuya sigurado mayayari ako at baka hindi nanaman ako payagang malayo sa kanila,kung yung driver naman namin, sigurado ako malalaman din nila Papa at di ko rin memorize cell nun, kung si Fatima naman hindi ko din kabisado number nya, sila Dindo at Marie naman ay wala namang cellphone. Tanging no. lang sa penthouse namin ang natatandaan ko.

“naku lagot nanaman ako iniwan ko pala sila kanina, sigurado ako galit na galit nanaman sa akin ang mga yun, tanga mo talaga Jey hindi ka nanaman kasi nag iisip” inis na sambit ko sa aking sarili

Nilakasan ko na lamang ang loob ko at tumawag sa penthouse, si Josh ang nakasagot sa telepono.

“ahh Josh si Jey ito pwede mo ba akong sunduin” nahihiya kong sambit

“tangina Jey! Nasaan ka ba kanina pa kami alalang alala sayo ah! Kanina ka pa namin hinahanap sa buong campus!” si Josh habang galit na galit

“nasa sementeryo kasi ako sa may guardhouse pwede mo ba akong sunduin?” nahihiya kong tugon

“sementeryo? Ano bang ginagawa mo diyan ng gabi? Alam mong delikado diyan ng ganitong oras eh” galit na tugon ni Josh

“ayos lang ako andito naman yung guard eh pero nakakatakot talaga pedeng pakibilisan? Hehe” tugon ko habang nahihiya pa din

“o sige sige hintayin mo lang kami diyan papunta na kami ni Harvey wag kang aalis diyan” si Josh

Bigla naman kinuha ni Harvey ang telepono mula kay Josh at kinausap ako

“humanda ka talaga mamaya sa akin” si Harvey habang galit na galit at ibinagsak ang telepono

“waaa grabe naaalala ko nanaman nung highschool kami yari nanaman ako nito” mahina kong sambit

Hinanda ko na lamang ang aking sarili sa pwedeng mangyari, kasalanan ko rin naman kasi eh masyado akong nadala sa pagkakita ko kay Anghelo kaya nakalimutan ko magpaalam kay Josh at Harvey. Makalipas lamang ang ilang minuto ay dumating na ang sasakyan ni Josh kasama si Harvey agad agad sila bumaba upang puntahan ako.

“manong salamat po uli ha” paalam ko sa guard

Habang pabalik na kami sa sasakyan ay hindi man lang ako iniimik ng dalawa hanggang sa biyahe namin pabalik ng penthouse ay di man lang ako kinakausap ng dalawa pero hinayaan ko na lang sila dahil kasalanan ko nga naman kaya naupo na lamang ako sa biyahe na nakayuko. Kahit pagdating namin sa penthouse ay di man lang ako inimik ng dalawa hanggang sa dinner ay silent treatment pa din ang inabot ko.

“uy hanggang kailan nyo ba ako di kakausapin? Sorry na talaga nakita ko kasi si Anghelo kanina habang bumibili ako ng juice sinundan ko siya hanggang sa mapadpad ako sa sementeryo, at tama nga ang hinala ko buhay nga si Anghelo” paliwanag ko

Ngunit patuloy lamang sila sa pagkain at di parin nila ako iniimik

“Harvey sige na tuparin mo na banta mo sa akin kanina, diba sabi mo lagot ako sige na sapukin mo na ako o batukan kesa naman ganyan na di nyo ako kinakausap” malungkot kong pakiusap

Bigo pa rin ako hanggang sa matapos sila kumain at dumiretso sa kwarto ni Josh para tumambay ay di man lang nila ako kinausap.

“sungit naman ng mga toh di naman ako nagsisinungaling eh” sambit ko sa aking sarili

Pumasok ako sa kwarto ni Josh at nakita ko silang nakahiga habang nagkukwentuhan

“Josh, Harvey kailan nyo ba talaga ako kakausapin?” tanong ko

Ngunit gaya pa rin ng dati ay patuloy lamang sila sa pagkukwentuhan at di ako pinansin kaya naisipan ko na lang na magpaalam.

“sige uwi nalang ako” malungkot kong paalam

Habang palabas na ako at papunta na sa elevator ay tinawag naman ako nung dalawa

“saan ka nanaman pupunta?” inis na tanong ni Josh

“uuwi ayaw nyo naman ako kausapin eh” tugon ko

“at pano ka uuwi?” tanong ni harvey

“edi magtataxi dami naman dumadaan eh” tugon ko

“gabi na eh kung mapano ka pa” tugon ni Harvey

“ok lang yun wala naman kayo pakialam sa akin eh, ayaw nyo naman ako kausapin hindi nyo nako mahal” pagdadrama ko

“yan ka nanaman Jey ha pinag alala mo kami kanina pati nga mga team mates namin tumulong na sa paghahanap kanina sayo sa buong campus kahit di naman nila trabaho yun tapos gumaganyan ka pa” galit na tugon ni Josh

“halos mamatay na kami sa kakahanap at pag aalala sayo kanina, tandaan mo galing ka sa sakit tapos umalis ka nalang ng walang paalam eh kung may nangyaring masama sayo kanina, kung sa loob ng sementeryo ka mahilo? Sino tutulong sayo? Eh bihira lang mga pumupunta dun ng ganitong buwan” si Harvey habang galit din ang tono

Natahimik nalang ako sa kanilang mga nasabi

“tapos sasabihin mo hindi ka namin mahal? Bakit mag aalala ba kami ng ganito sayo kung di ka namin mahal?” dagdag pa ni Harvey

“alam mo Jey kahit di namin madalas sabihin sayo, alam mong mahal ka namin at alam naming nararamdaman mo naman yun eh” si Josh habang seryoso

“waaaaa nakaka touch naman” tugon ko habang papalapit sa kanila at niyakap sila ng sabay

“sus ang drama mo ikaw talaga saka tinuturuan ka lang namin ng leksyon kanina kaya ayaw ka namin kausapin” si Josh habang niyakap din ako

“ipag alala mo pa uli kami ng ganun di lang ito aabutin mo” si Harvey sabay suntok ng malakas sa braso ko

“aw ang lakas nun” tugon ko habang hinihimas ko sa sakit braso ko

“pero ok lang mas gusto ko na yun kesa di nyo ako kausapin hehe” dagdag ko

Natulog naman kami sa kwarto ni Josh, di ko pa nga nasusubukan matulog sa sarili kong kwarto bilang si Jey, pero ayos lang yun matagal din naman kasi kaming di nagkasama sama kaya natural lang na gusto muna nila ako makasama.

Kinabukasan sa bahay ng mga Villegas habang kumakain ng almusal ang buong pamilya

“I really hate that Jey” pagdadabog ni Grace

“bakit naman? Ano nanaman ba ang ginawa nya?” tanong ng mama nila

“he just humiliated me infront of Josh and Harvey and ang malala pa sa harap ng maraming tao” tugon ni Grace habang nagdadabog pa din

“hayaan mo na iha maki close ka nalang sa kanya, makipag plastikan ka muna mahirap siya kalabanin dahil anak siya ni Mr. dela Vega” tugon naman ng Papa nila

“I agree kahit I don’t like him pipilitin kong maging mabait sa kanya, kasi I’m sure pag nakasal na kami ng kuya nya wala na din naman siya magagawa” dagdag pa ni Lisa

“anyway daanan nyo ako mamaya sa opisina ha, may mga aasikasuhin lang akong mga papeles para tuloy tuloy na tayo at di tayo ma late sa flight natin papuntang Boracay” sambit ng Papa nila

“no problem Papa para makulit ko na din si Justin para makasunod siya sa atin sa boracay ayaw kasi nya sumama dahil kababalik lang ng bwisit na kapatid nya” tugon ni Lisa

“buti na lang napalayas na din natin yung mga umampon sa Jey na yan mahirap na baka magsumbong pa yun malintikan pa tayo kay Mr. dela Vega” sambit ng mama nila

“eh ma diba mga kaibigan nya alam din mga ginawa natin sa kanya baka magsumbong din mga yun” tugon ni Grace

“alam mo iha kung magsusumbong din sila edi sana matagal na nila ginawa yun besides di naman pumupunta sa kumpanya ang mga yun” tugon ng mama nila

“besides sis tama nga mga nakukwento ni Justin sa akin about sa kapatid nya na di ugali ni Jey ang magpahamak ng tao kaya tama desisyon nila mama na palayasin na ang mag asawang yun” tugon naman ni Lisa

Samantala bandang tanghali sa opisina ni Papa ay dumating na kami nila Josh at Harvey dahil may recollection din ang aming mga guro kaya wala ding klase. Naabutan namin nagkukwentuhan sila Papa at Kuya na nakaupo sa loob ng opisina.

“Papa! Kuya” sigaw ko nung makita ko sila Papa at Kuya

Tumakbo ako at niyakap si Papa ng mahigpit, tumalon naman ako pakandong kay Kuya Justin na parang bata.

“ano ba Jey hindi ka na bata ang bigat mo na kaya” sambit ni Kuya Justin habang nakakandong ako

“sungit naman ni Kuya sige kay Kuya John nalang ako hehe” sabay lipat ko kay Kuya John

“halika dito baby ko” biro ni Kuya John

“buti ka pa kuya di kill joy hehe” tugon ko habang inaasar ko si Kuya Justin

Umupo ako katabi nila kuya at kinausap naman ako ni Papa

“o Jey kamusta naman dun sa penthouse ayos ka lang ba?” tanong ni Papa

“tito nilagnat po yan kahapon” tugon ni Josh

“ha? Totoo ba yun anak kamusta ka naman? Ayos ka na ba?” pag aalalang tanong ni Papa

“opo pa nilagnat nga po ako, sobra po kasi ako napapagod sa penthouse ginawa po kasi nila akong katulong dun kapalit ng pagtira ko, di nga po nila ako pinapakain eh nagtyatyaga lang po ako sa mga pagkain na nahuhulog sa ilalim ng mesa” biro ko habang kunwari malungkot ako

“oi walangya ka ano pinagsasabi mo?” si Harvey habang nagulat

“tito wag po kayo maniwala diyan nagbibiro lang po yan” paliwanag ni Josh habang nagulat din

Tawa naman ako ng tawa sa reaksyon ng dalawa, bigla naman ako nilapitan ng dalawa at sinuntok sa magkabila kong braso.

“aray! Alam nyo matatanggal na mga braso ko kakasuntok nyo” sambit ko habang hinihimas ko magkabila kong braso.

“Kayo talaga wala parin kayo pinagbagong tatlo naaalala ko pa nung highschool kayo lagi kayo napapahamak dahil sa anak ko” si Papa habang natatawa

“don’t worry po tito hanggang ngayon pa din naman napapahamak parin kami sa kanya” tugon ni Josh

“saka tito nag mature na po kami ni Josh unlike Jey pang grade 2 pa din kung mag isip” tugon naman ni Harvey habang sama ng tingin sa akin

“hahaha! Ganun ba? pagpasensyahan nyo na anak ko ganyan talaga yan” si Papa habang natatawa

“waaaaa grabe naman sila di naman po ako ganun papa” nahihiya kong tugon

Lumabas muna ako para mag CR at mag ayos na din upang makapaghanda sa lunch namin, hinihintay pa kasi namin sila Fatima, Marie at Dindo. Paglabas ko ng opisina ni Papa ay nakita ko si Lisa at Grace na naghihintay sa labas ng opisina ng Papa nila, nilapitan naman ako ni Lisa ng nakangiti

“Hi Jey andyan ba kuya mo?” tanong ni Lisa habang naka ngiti

“nasa loob kasama si Papa saka Kuya John” tugon ko

“ahh ok puntahan ko nalang siya mamaya, punta muna ako sa baba” tugon  ni Lisa

Bumaba na nga si Lisa at si Grace naman ay nagfefeeling nanaman sa mga empleyado

“nasan na yung pinapakuha kong juice?” galit na tanong ni Grace sa isang empleyado

“sorry po ma’am ni rush ko lang po kasi hetong financial report kailangan na po kasi” tugon naman ng empleyado

“kanina ko pa inutos yun hindi ba? o baka nakakalimutan mo na kung sino ako?” masungit na tugon ni Grace

“pasensya na po talaga ikukuha ko na po kayo” tugon ng empleyado na halatang takot na takot

Sa sobrang inis ko ay nakialam na ako

“wag mo siya sundin” utos ko

Napatingin naman si Grace at yung empleyado sa akin pati na din ang ibang mga empleyado ay napatingin din

“sir Jey kayo po pala” tugon ng empleyado

“diba finance officer ka?” tanong ko

“opo sir” tugon nung empleyado

“eh bakit nagpapa utos ka diyan eh hindi mo naman trabaho ang pagsilbihan siya” tugon ko

Napakamot na lamang ng ulo yung empleyado

“ikaw nanaman? Pag minamalas nga naman hanggang dito ba naman eh magkikita pa tayo” sambit ni Grace

“natural eh kumpanya namin ito, dapat sayo ko tinatanong yan noh” masungit kong tugon

“bahala ka sa buhay mo wala akong panahon makipag talo sa mga taong katulad mo” masungit na tugon ni Grace

“sus feeling ka naman diyan baka nakakalimutan mo mas mataas na ang level ko sayo, correction mas mataas na pala noon pa ang level ko kesa sayo noh” pang aasar ko

Natahimik naman si Grace at nagtawanan naman yung ibang mga empleyado sa pagkakapahiya ni Grace. Lumabas naman ang mama nya mula sa opisina ng papa nya

“ano ang nangyayari dito?” tanong ng Mama nya

“wala po Mrs. Villegas pagsabihan nyo lang po ang anak nyo na hindi nya po bahay itong opisina para gawing katulong yung mga empleyado nakakahiya po kasi napaghahalataan po kasing wala siyang breeding” ngiti kong tugon habang papaalis at papunta na ng CR

Natahimik naman ang mag ina sa aking mga sinabi, samantala ay natatawa naman ang mga empleyado sa nasaksihan nila. Binabati pa nga ako ng bawat makasalubong ko

“sir sapul siya dun” sambit nung isang empleyado

“oo nga po sir bagay nga nya yun matagal na kami asar sa pamilyang yan” sambit naman nung isa

“oh siyempre magaling ako eh wahahahaha” tugon ko habang natatawa

“hahaha sir kayo talaga, pero namiss talaga namin kayo nung nawala kayo” tugon naman nung isang empleyado

Dumiretso na nga ako sa CR  samantala sa Opisina ni Papa ay dumating na ang tatlo, halata namang nahihiya si Dindo at Marie kila Papa at Kuya

“hi tito” bati ni Fatima sabay halik kay Papa

“good morning po Mr. dela Vega” bati ni Marie at Dindo habang nahihiya

“oh bakit naman napaka pormal? tito nalang itawag nyo sa akin kaibigan naman kayo ng anak ko eh” tugon ni Papa habang naka ngiti

“ahh sige po tito” ngiting tugon ni Marie habang nahihiya parin

“Salamat nga pala sa pag alaga nyo sa anak ko nung nasa isla pa siya hanggang sa makabalik siya dito ng Maynila ha, alam nyo alagang alaga namin yun pero nalaman naman namin na naging masaya naman siya dahil na din sa tulong nyo” sambit ni Papa

“naku wag nyo po alalahanin yun, natural lang naman po sa magkaibigan ang magtulungan eh” tugon ni Dindo

Ipinakilala din sa kanila si Kuya Justin at Kuya John

“Heto nga pala si John ang pangalawa kong anak” pakilala ni Papa

“hi” ngiti ni Kuya John

Ngumiti din si Dindo at Marie

“heto naman si Justin ang panganay kong anak” pakilala ni Papa

“kamusta kayo” si kuya Justin habang nakangiti

“waaa grabe Dindo ang gugwapo talaga ng mga kuya ni Jey” bulong ni Marie kay Dindo

“sira ka talaga Marie mahiya ka nga mamaya marinig ka pa” mahinang tugon naman ni Dindo kay marie

“Justin po? Ano nyo po si Lisa Villegas?” tanong ni Marie

“ahh girlfriend ko bakit?” tanong ni Kuya Justin habang naka ngiti

“ahh girl friend nyo pa din pala matapos ang ginawa nya kay Jey” bulong ni marie

“ano yun?” tanong ni Kuya Justin habang nagtataka

“wala po hehe” tugon ni Marie

Bigla namang pumasok sa opisina ni Papa si Lisa at hindi napansin na andun din sila Dindo at Marie

“hello tito kamusta na” bati ni Lisa kay Papa sabay halik sa pisngi

“oh iha ikaw pala bat napadalaw ka” tanong ni papa

“ahh kasi tito kukulitin ko lang sana itong boyfriend ko na sumunod sa amin sa boracay” si Lisa sabay hawak sa kamay ni Kuya Justin

“hindi nga pwede madami akong gagawin saka kababalik lang ng kapatid ko gusto ko siya muna ang makasama ko” tugon ni Kuya Justin

“sige ka magtatampo ako sayo” si Lisa habang naglalambing kay kuya

Bigla namang nagparinig si Marie

“hay ang kapal talaga” parinig ni Marie

Bigla namang napatingin si Lisa kay Marie at nagulat

“a-ano ginagawa nyo dito?” tanong ni Lisa habang kinakabahan

“bakit? inimbitahan kami ng Papa ni Jey na sumabay mag lunch sa kanila eh” tugon ni Marie

Bigla namang nagpaalam na si Lisa at lumabas na ng opisina

“oh napano yun? Bat nagmamadali” pagtataka ni Kuya John

“di ko din alam eh” tugon ni Kuya Justin

“eh pano kasi takot lang nya malaman nyo ang totoo” tugon ni Marie

“huh? Anong totoo naguguluhan talaga kami” tanong ni Kuya John

Pagtingin naman nila Dindo at Marie sa may bintana ay nakita naman nila ang buong pamilya Villegas na nagbibiruan at nagtatawanan

“aba andito pa pala ang buong pamilya matapobreng yan matapos ang ginawa nila kay Jey” sambit ni Marie habang naiinis

“bakit ano ginawa nila kay Jey?” tanong ni Papa habang nagtataka

“oo nga Marie ano ba yung tungkol kay Jey?” tanong din ni Fatima

“eh kasi po tito minaltrato po dati ng pamilyang yan yung anak nyo pati na din yung mga kumupkop kay Jey, nung di pa maalala ni Jey yung tunay nyang pagkatao, lagi nya dinadalaw ang Inay at Itay nya kaso lagi siya iniinsulto at sinasaktan ng pamilyang yan kaya nga napagpasyahan nalang ng Inay at Itay nya na pag day off nalang nya sila magkita para makaiwas na si Jey sa pagmamalupit kasi mas gusto pa po ng Inay at Itay nya na sila nalang masaktan kesa si Jey ang masaktan, alam nyo po awang awa po talaga kami kay Jey nung mga panagong yun” kwento ni Dindo

Bigla namang nagulat sila Papa at Kuya sa kanilang mga narinig pati si Fatima ay nabigla

“omg bat di ko alam ito?, hayop sila” galit na sambit ni Fatima

“Josh, Harvey alam nyo ba ang tungkol dito?” tanong ni Papa

“opo tito pero kahapon lang din po namin nalaman nung tanungin namin yung mga sugat nya sa siko nya pero hindi namin alam na lagi pala siya sinasaktan” tugon ni Josh habang nagulat din

“yung mga sugat nya sa siko? Bakit saan ba galing yun?” tanong ni Kuya Justin

“kasi po nung malaman ni Jey na maaring matanggalan na sya ng scholarship dahil madami na nakakaalam sa school na hindi siya ang tunay na Anghelo napilitang puntahan ni Jey yung Inay at Itay nya para sabihan sila sa mga nangyari hindi na nya hinintay yung day off ng mga ito. Nakita ni Mr. Villegas si Jey at galit na galit ito sa kanya dahil napahamak daw po siya sa inyo dahil kay Jey, pinagtabuyan nya po si Jey at tinulak kaya natumba si Jey at nagkasugat sugat ang mga siko nya. Andun po kami nung mangyari yun buti nalang nailayo agad si Jey ng kanyang Inay at Itay kundi baka napano na si Jey sa sobrang galit ni Mr. Villegas” kwento ni Marie

Bigla namang napaupo si Papa at napatulala sa kanyang mga narinig, makalipas ang ilang minuto ay napalitan ng labis na pagkagalit ang mukha ni Papa. Dahil andun din si ate Donna ay di na din nya napigilan na sabihin ang kanyang nalalaman.

“eh sir sa katunayan nga may nalalaman din ako kaso pinakiusapan lang po kasi ako ni sir Jey na wag na daw po ipaalam sa inyo para wala na daw po gulo” sambit naman ni Ate donna

“bakit ano nalalaman mo?” tanong ni Kuya John

“sinampal nga dati ng Lisa na yun si Jey eh” tugon ni Ate Donna

“huh? Sinampal ni Lisa kapatid ko?” gulat na tanong ni Kuya Justin

“opo kasi pumapapel daw po si Jey kay Josh at Harvey, kapal daw ng mukha nya kaya sinampal ito ni Lisa pagkatapos pa nga nun hinawakan pa sa panga ni Mrs. Villegas si Jey at sinabihan na layuan na grupo nila Josh at Harvey” tugon ni Dindo

Nagulat naman si Josh at Harvey sa kanilang mga narinig

“ano? Bat di nasabi samin ni Jey yun” sambit ni Harvey habang galit na galit

Makalipas ang ilang minuto ay dumating nako at pumasok sa opisina ni Papa

“pasensya na bumili pa kasi ako ng donut sa baba nagutom kasi ako eh hehe” paliwanag ko

Nakita ko na nag iba mga mukha nila kaya nagtanong nako

“oh bat ganyan mga mukha nyo? May problema ba?” tanong ko

“anak sabihin mo nga sa amin kung totoo yung mga sinabi ng mga kaibigan mo sa mga ginawa sayo dati ng pamilya Villegas” seryosong tanong ni Papa

“po? Ahh eh” tugon ko habang di makapag salita

“anak sa lahat ng ayoko yung nagsisinungaling sa akin, totoo ba na minaltrato ka ng pamilyang yun?” galit na tanong ni Papa

Napayuko na lamang ako at tumango. Bigla namang tumayo si Papa na halatang galit na galit palabas sa kanyang opisina.

“pa saan po kayo pupunta, hayaan nyo na po sila maayos narin naman po ako eh” pakiusap ko kay Papa

Ngunit di ako pinansin ni Papa at tuluyan na siyang lumabas ng opisina, agad agad naman kami sumunod sa kanya. Pagkakita palang nya kay Mr. Villegas sa labas ng opisina nito ay agad nya itong nilapitan at hinawakan sa kwelyo at sinandal sa pader.

“sir bakit po?” tanong ni Mr. Villegas habang kinakabahan

“hayop ka pinagkatiwalaan kita pero heto pa ang igaganti mo sa akin ang saktan ang anak ko” tugon ni Papa habang galit na galit

Napahinto sa kanilang mga ginagawa lahat ng mga empleyado sa floor na yun pati narin ang mga security ay napaakyat dahil sa nangyayaring tensyon. Pati sila Mrs. Villegas, Lisa at Grace ay natulala din sa mga nangyayari

“sir hindi ko po kayo maintindihan” tugon ni Mr. Villegas habang takot na takot parin

“Mr. Villegas wag na po kayo mag maang maangan pa, totoo naman pong pinagmalupitan nyo ng inyong pamilya si Jey hindi ba?” sambit ni Marie

“Pinakiusapan kayo ng Inay at Itay nya na wag nyo saktan ang anak nila pero ginawa nyo pa din, pati pamilya nyo kasama din sa mga malulupit kay Jey” sambit naman ni Dindo

“wala pong katotohanan ang mga ibinibintang nila nagisisnungaling lang po sila para sirain kami” tugon ni Lisa

“pasensya ka na Lisa alam ko nangako ako sa inyo na hindi ko sasabihin ang totoo kila Papa pero hindi naman kasi nanggaling sa akin, ang mga kaibigan ko ang nagsabi ng totoo” tugon ko

“eh sir hindi ko naman po kasi alam na anak nyo pala si Jey nun” tugon ni Mr. Villegas habang takot na takot parin

“so Mr. Villegas what are you trying to imply na ok lang na pagmalupitan nyo ang isang tao basta mas mataas ang estado nyo sa buhay, ganun ba?” tanong ni Kuya John

Di naka imik si Mr. Villegas sa sinabi ni Kuya John

“ako ang sakit sakit para sa akin nung malaman ko ang mga dinanas na hirap ng anak ko, tapos ngayon malalaman ko na ikaw at ng iyong pamilya ang isa sa mga nagpahirap sa anak ko, kung yung mga katarantaduhan mo dito sa kumpanya pati na din ang mga illegal na gawain mo ay napalampas ko pa, pero hinding hindi ko mapapalampas ang pananakit mo sa anak ko hayop ka!” si Papa habang hawak hawak pa rin sa kwelyo si Mr. Villegas at galit na galit

Inawat ko naman si Papa

“Pa tama na po parang di na po ikaw yan eh” malungkot kong pakiusap kay Papa

Binitawan ni Papa si Mr. Villegas at pumunta sa kinaroronan nila Kuya

“Mr. Villegas you know I regret the day that I hired you, pero hindi nako papayag na magpatuloy pa ang pagsisisi ko, kaya Mr. Villegas you’re fired! And I want you and your family out of that house” galit na utos ni Papa

Bigla namang lumabas mula sa likod ng iba pang empleyado ang vice president for finance ng company

“ahh sir siguro ito narin ang tamang panahon para sabihin ko ito hindi ko na hihintayin yung board meeting natin, pero tama po ang hinala nyo, lumabas po kasi sa investigation namin na gumagawa po ng illegal si Mr. Villegas sobra po ang pera na kinukuha nya sa kumpanya para sa mga marketing expenses, hindi naman pala ganun kalaki ang mga sinisingil ng mga ad agencies sa atin pero malaki ang mga kinukuha nya, malaki na po ang nalugi natin dahil dun hindi po pwedeng basta basta nalang palagpasin ito” paliwanag ng bise presidente ng kumpanya

Nagulat naman ang mga empleyado sa kanilang mga narinig

“grabe hindi na nahiya” sambit nung isa

“oo nga nagawa pang pag nakawan ang kumpanya” tugon naman nung isang empleyado

“so Mr. Villegas ihanda mo rin pala ang sarili mo, see you in court” seryosong sambit ni papa

Iyak naman ng iyak ang pamilya ni Mr. Villegas sa mga narinig mula kay Papa

“sir baka po pwede nating pag usapan ito” pagmamakaawa ni Mr. Villegas

Ngunit hindi nakinig si Papa at nilisan na lamang nya ang lugar at pumasok sa kanyang opisina. Nilapitan naman ni Lisa si Kuya Justin para kausapin

“Justin mag usap tayo magpapaliwanag ako” pakiusap ni Lisa habang umiiyak

“alam mo Lisa binalewala ko lahat ng mga naririnig ko tungkol sayo dahil alam ko sinisiraan ka lang nila kahit nga mga kaibigan ko hindi ko pinakinggan kahit ayaw nila sayo dahil minahal nga kita, pero sa tagal nating nagkasama unti unti ko ding nakikita ang tunay mong pagkatao, matagal ko na gustong makipag hiwalay sayo kaso nahihiya din ako sayo dahil naging mabuti ka naman sa akin. Pero dahil sa mga natuklasan ko ngayon wala na pala ako dapat ipaghinayang pa, alam mo kahit may pagka pasaway yang kapatid ko hinding hindi ko yan sinaktan kailanman, ganun ko yan kamahal tapos malalaman ko na ikaw pa ang nanakit sa kanya, hinding hindi kita mapapatawad, kaya magmula ngayon tapos na tayo” seryosong tugon ni Kuya Justin habang papaalis at papasok sa opisina ni Papa

“Justin sandali lang mag usap tayo” si Lisa habang sinusubukang pigilan si Kuya Justin

Papasok pa sana ang mag asawang Villegas sa opisina ni Papa ng utusan ni kuya John ang mga security na palabasin sila

“Guards ilabas nyo sila dito” utos ni Kuya John

“opo sir” tugon ng mga guwardya

Halatang pati mga empleyado ay malaki ang galit sa pamilya Villegas dahil tumulong din ang mga ito sa pagpapalabas sa kanila. Lalapitan na sana ni Marie  si Grace ng pigilan siya ni Fatima

“teka lang Marie saan ka pupunta?” tanong ni Fatima

“sasabunutan ko lang Grace na yan” inis na tugon ni Marie

“naku hayaan mo na muna siya girl marami naman tayong time na gawin yun sa kanya sa school” tugon ni Fatima habang nag apir yung dalawa

Samantala napaupo naman ako sa isang tabi

“parang ang sama sama ko, ganun inabot nila dahil sa akin” malungkot kong sambit

“ano ka ba Jey wala kang kasalanan deserve naman nila yun eh, sa lahat ng mga ginawa nila sayo at sa Inay at Itay mo kulang pa nga yun eh and di pa kasama pagnanakaw ni Mr. Villegas sa kumpanya” tugon naman ni Dindo

“ikaw ha Jey madami ka pa pala di sinasabi samin” sambit ni Josh

“oo nga, best friend mo kami dapat wala kang tinatago sa amin sige ka magtatampo uli kami sayo” sambit naman ni Harvey

“mas maganda na nga lang siguro na wala nalang nakaka alam, mas ok siguro kung ako nalang nasaktan kesa ganito pati si Papa at sila Kuya nasaktan din” malungkot kong tugon

Nilapitan naman ako ni Kuya John

“alam mo Jey natural lang na masaktan kami dahil nasaktan ka, sana lang wag mo na ulit itatago sa amin ang mga bagay na ganito ha, alam mo naman sa lahat ng ayaw namin ay yung may nananakit sayo” sambit ni Kuya John

“sorry kuya di ko sinasadya” tugon ko habang niyakap ko si Kuya John

Makalipas ang ilang minuto ay pumasok nako sa opisina ni Papa, nadatnan ko silang nakaupo at tahimik lamang.

“Pa, Kuya galit po ba kayo sa akin?” nahihiya kong tanong

“halika nga anak” habang pinapalapit ako ni Papa

“bat naman kami magagalit sayo? Kami pa nga dapat humingi ng tawad dahil hindi namin agad nalaman yung paghihirap mo sa kamay ng pamilyang yun, sorry anak ha wag ka mag alala hinding hindi na mangyayari yun” si papa habang niyakap ako ng mahigpit

“eh ikaw kuya galit ka ba sa akin? Nasira relasyon mo kay Lisa dahil na din sa akin” nahihiya kong tanong

“sus ito naman, pabor pa nga yung nangyari ngayon dahil napadali pakikipag hiwalay ko sa kanya hindi na umabot na maghanap pa ako ng ibang dahilan” tugon ni Kuya Justin

“pero Jey ayoko na ng maglilihim ka sa amin ng mga ganung bagay ha, kuya mo kami sa lahat ng ayaw namin yung may nananakit sayo” dagdag pa ni Kuya Justin

“oo kuya nasabi na din sakin ni Kuya John yan” tugon ko

“o tama na kayo tara na mag lunch na tayo tawagin mo na din mga kaibigan mo Jey, alam ko nagugutom na din sila” si Papa habang papalabas na ng opisina.

Habang kumakain kami sa Jey’s restaurant...

“grabe Jey ang sarap ng mga pagkain dito tapos halatang mga puro mayayaman mga kumakain dito” si Marie habang manghang mangha

“pasensya na kayo ni Dindo ha ngayon ko lang kayo nadala dito, hanggang ngayon kasi wala pa din akong pera hahaha!” natatawa kong tugon

“hay naku Jey para namang kailangan mo pang mag bayad dito noh” tugon naman ni Fatima

“oo naman ano akala mo sa akin, saka kakahiya naman kung palilibre ako lagi, baka masira computation ng accounting department noh” tugon ko

“teka anak diba binigyan kita? Panong wala kang pera?” tanong ni Papa

“eh pa cash naman kasi yung binigay mo ang laki nun di ko naman pede ibulsa yun mamaya ma holdap pa ako” paliwanag ko

“ahh ganun ba? wala pa kasi yung sarili mong credit card medyo natatagalan dahil na din sa nangyari sayo yung ATM naman kaka pa open ko palang, anyway gawin nalang kita extension ng credit card ko mabilis naman pag proseso nun” tugon ni Papa

“bat ayaw mo muna kasi gamitin ATM ko eh, gusto mo pa sarili mo” si Kuya John

“wala lang gusto ko lang kasi makita na ako na talaga si jey na nakabalik na talaga ako sa tunay kong estado” malungkot kong tugon habang nakayuko

Bigla naman silang natahimik at naawa sa aking mga sinabi

“pasensya ka na talaga anak ha, hayaan mo di rin magtatagal magbabalik din sa normal ang lahat” paliwanag ni Papa

Napansin ko na medyo seryoso na ang mga mukha nila kaya biniro ko si Papa

“Pero pa grabe ang kuripot nyo talaga hindi nyo man lang kami pinagawa ng mosoleo ni Mama” biro ko

Natawa naman ang aking mga kaibigan sa sinabi ko

“ikaw talaga anak puro ka kalokohan” tugon ni Papa habang natawa

“siya nga pala Jey nakausap na pala namin pamilya nung Henry, ipapalipat na yung mga labi doon sa sementeryo kung nasaan iba pa nyang mahal sa buhay” paliwanag ni Kuya Justin

“ahh ganun ba kuya? Pasensya na hindi ako sumama nahihiya din kasi ako, nawalan na sila ng pag asa makita anak nila samantalang ako masaya at nakabalik na sa pamilya ko” malungkot kong tugon

“ibahin nyo na nga topic, siyado malungkot pinag uusapan natin” sambit ni Fatima

“ahh Jey talagang sayo ipinangalan yung restaurant na toh iba ka talaga” sambit ni Dindo

“oo kasi kung kay kuya Justin parang beer garden kung kay kuya John naman parang pang seminarista kaya para talaga sa akin wahahaha” pang aasar ko

Binatukan naman ako nila kuya

“aray ko sinungaling talaga kayo kuya sabi nyo kanina ayaw nyo may nananakit sa akin sabi mo pa nga kay Lisa na never mo ako sinaktan pero lagi nyo naman ako binabatukan pareho din yun noh” pang aasar ko

“lambing lang sayo ng mga kuya mo yun” paliwanag ni Papa

“oo nga kahit naman kami lambing din namin sayo yung mga ganun” si Josh

Naging mahaba ang aming pagkukwento at naikwento ko din ang tungkol kay Anghelo

“huh talaga?” tanong nila Marie

“oo kaso ayaw pa rin talaga nya maniwala, pero diba kayo matagal nyo na siyang kaibigan baka pag nakita nya kayo maniwala na siya” tugon ko

“oo kaibigan namin siya, sige pag nakita mo siya uli dalhin mo sa amin kami na bahala magpaliwanag” tugon ni Dindo

Natapos ang lunch at bumalik na kami sa opisina ni Papa

Habang papalakad kami ay ipinaalam naman ako ni Josh at Harvey kila Papa

“ahh tito ipapaalam lang po namin si Jey this weekend after po namin sa bahay diretso po kami ng baguio” sambit ni Josh

“oo nga po tito pumayag na kayo tagal din po kasi namin siya di nakasama, sa lunes din po balik namin” dagdag pa ni harvey

“o sige sige makakasama naman namin siya sa ibang araw eh” tugon ni papa

“weh bat di ko alam na pupunta tayo ng baguio? Kayo nalang siyado malamig dun” pagtanggi ko

“wala ka na magagawa pumayag na papa mo saka andun yung huling masasayang araw nating tatlo bago tayo maaksidente sa barko, ikaw talaga” tugon ni Harvey

“o sige na nga” pag payag ko

“siya nga pala anak mamaya ipamili mo din ng gamit yung mga kaibigan mo ha” sambit sa akin ni Papa

“sige po pa ako na po ang bahala sa kanila” tugon ko

Nilapitan ko naman ang dalawa

“uy shopping tayo mamaya ha” bulong ko sa dalawa

“wala naman kami pera noh” tugon ni Marie

“wag kayo mag alala ako na bahala” tugon ko

“nakakahiya naman nilibre nyo na nga kami ng lunch tapos pati yun” tugon naman ni Dindo

“ayos lang yun saka suggestion din ni Papa yun, lalo na isasama namin kayo sa sembreak pabalik ng isla para makita nyo na din pamilya nyo, siyempre maganda kung makikita kayo ng mga kaibigan at  kaaway nyo dun na malaki na ang pinagbago hahaha” natatawa kong tugon

“waaaa maganda nga yan sige sige ano oras ang shopping natin excited nako” si Marie habang tuwang tuwa

“heto talagang si Marie, pero Jey salamat talaga sige kita tayo mamaya” tugon ni Dindo

“pero sana makita ko uli si Anghelo para mapilit ko siya na maisama noh” malungkot kong sambit

“wag ka mag alala tutulong kami” tugon naman nila Marie

Pagpasok namin sa building ay agad ako kinausap ng receptionist

“ahh sir Jey may naghahanap sayo kanina, Anghelo daw pinaghintay ko na sa taas” sambit nung receptionist

“andyan si Anghelo?”

Itutuloy...

Author’s note:

Ahh siya nga pala pasensya na kung wala munang embedded music dito ha, medyo madami kasing confrontation scenes eh di kasi bagay kung ilalagay ko dito hehe.  Saka puro masasaya na muna di naman kasi pedeng lagi nalang iyakan hehe.