Sa Aking Pagbabalik part 3

Sa Aking Pagbabalik part 3

Matapos ang ilang buwan ay dumating ang araw ng pasukan, ihinatid pa nga ako ni inay at itay sa eskwelahan para makasigurado sila na walang magiging problema.

“Nay, Tay ayos na po ako saka nakakahiya po oh pinagtitinginan ako ng mga estudyante” natatawa kong sambit

“sus hayaan mo nga sila anak, gusto lang namin makasigurado na walang magiging problema” si Nay Linda habang inaayos ang aking uniporme

“o siya dalian nyo na diyan at papalaot pa ako maganda ang panahon ngayon, baka makahuli pa ako ng maraming isda” sambit ni Itay

“sige po itay mag iingat po kayo” paalam ko

At iniwan na nga ako ni Inay at Itay, tinungo ko ang aking magiging silid aralan pagpasok ko ay dinatnan ko ang dalawa sa aking magiging kaklase na sina Dindo at Marie

Si Dindo galing sa aming isla katamtaman ang taas medyo maitim gawa na din na laking bukid, ang itsura ay probinsyanong probinsyano, naku may pagka dikitin sa mga sosyal ang mokong na toh ultimong madikitan lang ng mga kamag aral naming medyo nakaka angat sa buhay ay di na ito mapakali at kung ano anong kwento ang nililikha para lang hindi magpatalo pero napakabait nya.

Si Marie ay galing din sa aming isla medyo maitim din hindi kagandahan at lahat yata ng tingin nya sa mga taong galing sa maynila ay artista, halos hindi nga mapakali yung mga estudyanteng nanggaling sa maynila kasi kung matitigan nya ay parang huhubaran na nya. Pero napakabait nitong si Marie bukod kasi sa kalog na ay maasahan mo talaga.

Sila ang aking mga bagong magiging kaibigan sa pampublikong eskwelahan na aking pinapasukan.

“Hi” bati ko sa dalawa

“uy classmate ikaw pala anong pangalan mo? Ako nga pala si Dindo” pakilala ni Dindo sabay abot ng kanyang kamay

“ahh ako nga pala si Anghelo” ngiti ko habang inaabot ang aking kamay

Nagpakilala din si Marie sa akin.

“ako nga pala si Marie, Maria na lang for short” pakilala ni Marie

Medyo napabulong ako sa aking sarili

“Maria for short eh magkasing haba lang yun eh” bulong ko sa aking sarili

“ano may sinasabi ka?” tanong ni Marie

“ahh hindi wala sabi ko ang ganda naman ng pangalan mo” palusot ko

“sus nambola pa pero sige Marie nalang itawag mo sa akin” ngiti ni Marie

Nagulat ako nung bigla akong nilapitan at umupo sa tabi ko yung dalawa at kinausap ako

“Hindi ba ikaw yung nakatira kila Aling Linda at Mang Anton?” tanong ni Marie

“At ang sabi mo ikaw si Anghelo hindi ba? pero alam naming hindi ikaw si Anghelo kasi kilala namin siya” dagdag ni Dindo

Medyo kinabahan ako at napalunok sa aking mga narinig, at bigla namang nagtawanan ang dalawa sa aking naging itsura.

“binibiro ka lang namin alam na namin ang lahat wag ka mag alala safe yung sikreto mo sa amin kaibigan kasi nila Inay at Itay yung mga umampon sa iyo kaya naikwento na din nila sa akin” paliwanag ni Dindo

“pero alam mo sa itsura mo mukhang di ka talaga taga rito, hula ko anak mayaman ka siguro” si Marie habang natutuwa

“naku kayo naman medyo pinakaba nyo ako dun ha, salamat ha kailangan ko muna kasing itago lalo na hindi pa nagbabalik ang aking alaala” tugon ko na medyo nakahinga na ng maluwag

“siya nga pala asan na pala yung iba pa nating kaklase?” tanong ko

“ahh yun ba alam mo naman karamihan sa mga estudyante rito ay payak lang ang pamumuhay kaya karaniwan sa kanila ay mas gugustuhin pang magtrabaho na muna habang hindi pa regular ang klase” paliwanag ni Marie

“ahh ganuna ba? darating na ba ngayon ang ating guro?” tanong ko

“oo maya maya lang darating na din yung guro natin pero orientation palang naman ang mangyayari ngayong araw” paliwanag ni Dindo

Natapos ang orientation at dumating ang lunch time, magkakasama kaming lumabas ng silid ni Dindo at Marie

“o Anghelo hindi ka ba sasama sa aming mag lunch?” tanong ni Dindo at Marie

“ahh kwan kayo nalang hindi pa naman kasi ako nagugutom saka wala din kasi akong pera” nahihiya kong tugon

“sus heto naman parang hindi pa tayo magkakaibigan nyan kahit naman kanina lang tayo nagkakilala magkakaibigan na tayo noh” si Dindo

“oo nga tara na makisalo ka na samin paghati hatian na natin mga baon namin” ngiti ni Marie

Kahit medyo nakakahiya ay pumayag na din ako dahil medyo gutom na din ako, tuyo na may kamatis at itlog na maalat ang kinain namin, kahit sinasabi nilang pagkaing mahirap ito ay sarap na sarap naman ako kahit hindi ko naaalala ang aking nakaraan ay nakakasiguro naman ako na ngayon lang ako nakakain ng pagkaing ganun at nagustuhan ko talaga yun.

Habang kumakain kami...

“ang sarap naman pala nito” sambit ko habang kumakain ako

“oo naman bakit ngayon ka lang ba nakakain ng ganito?” Tanong ni Dindo

“hindi ko maalala eh” ngiti kong tugon

“ngayon sigurado na ako anak mayaman ka nga” natatawang sambit ni Marie

“hahaha di naman siguro baka taga ibang planeta lang” biro ko habang natatawa

Natapos ang araw kaya sabay sabay na din kaming tatlo umuwi dahil nga sa iisang isla lang kami nakatira kaya napagkasunduan naming sabay sabay na kami laging uuwi.

Samantala sa eskwelahan nila Josh at Harvey pati na din nang iba ko pang mga dating kaklase...

Engineering din ang kinuha ni Josh, Harvey, Fatima at iba ko pang mga kaklase si Tom at Beth naman ay nag accountancy. Sa unang araw nila ng pasukan since magkakaklase din sila dahil napagkasunduan nilang pareho ang mga schedule na kukunin nila para magkakasama pa rin sila. Nilapitan sila ng kanilang mga makakaklase at isa isang nagpakilala sa kanila ang mga ito dahil nga kahit bago palang sila sa school ay sikat na ang mga ito lalong lalo na si Josh at Harvey.

Nilapitan sila ni Grace, Kate, Luke at baklang kaibigan nilang si Elton at nagpakilala sa kanila

Si Grace Villegas, maganda, maputi at mayaman ang pamilya dahil nagtatrabaho ang Papa nya bilang bise presidente sa dela Vega group of Companies na pag aari ng aking pamilya. Kung ano naman ang iginanda nya ay yun din ang kinapangit naman ng ugali nya, bukod kasi sa maarte na, ay matapobre at sobrang yabang pa nito.

Si Kate Feliciano ang matalik na kaibigan ni Grace maganda at maputi may kaya ang pamilya nila hindi sila kasing yaman nila Grace pero kung sa ugali wala silang pinagkaiba ni Grace dito yata pumapasok ang kasabihang “Birds of the same feather flock together”.

Si Luke Mendoza isa din sa mga kaibigan nila, may itsura naman ito ngunit taliwas sa kanyang mga kaibigan ay napakabait na tao ni Luke may kaya naman ang kanyang pamilya dahil nagtatrabaho bilang assisstant to the Vice president ang kanyang ama. Oo assistant ng papa ni Grace ang papa ni Luke kaya minsan ay laging sunod sunuran lang si Luke sa mga gusto ni Grace at Kate kahit mali ito.

Si Elton Sanchez ang baklang kaibigan ng tatlo, may kaya din ang pamilya pangkaraniwan lang ang itsura kung sa ugali lang ay mapagpanggap ito at sobrang plastik. Gustong gusto nya mapalapit sa grupo ni Josh at Harvey lalong lalo na sa dalawa.

“Hi my name is Grace and these are my friends Kate, Luke and Elton” pakilala ni Grace

“You guys must be Josh, Harvey, Fatima” si Kate ng biglang sumabat agad si Fatima

“gosh it seems na hindi ka kunwari sigurado sa mga pangalan namin eh halata namang ni research nyo kami noh” masungit na tugon ni Fatima

Medyo napahiya si Kate sa sinabi ni Fatima kaya natahimik ito

“Fatima wag ka nga ganyan they’re just trying to be nice” bulong ni Josh kay Fatima

“yeah Fatima ikaw talaga imbis na makahanap ka ng mga bagong kaibigan, bagong kaaway yung makukuha mo eh” dagdag ni Harvey

“eh halata naman kasing ang paplastik eh” inis na bulong ni Fatima

Si Josh at Harvey na ang naghingi ng paumanhin sa inasal ni Fatima

“sorry about that, ganyan lang talaga si fatima pero mabait ito” si Josh habang inaakbayan si Fatima

“naku ayos lang yun naiintindihan naman namin siya lalo pa super sikat kayo dito sa campus sana maging magkakaibigan tayo” ngiti ni Elton

“uhm yes for formality sake I’m Harvey and this is Josh, Fatima, Robert, Ben and Ricky” pakilala ni Harvey

“by the way guys I wan’t to invite you later for lunch since I’m the daughter of the Vice-President for Marketing ng dela Vega group of companies makakakuha agad ako ng reservation at malaking discount sa Jey’s restaurant na pag aari din ng kumpanya, alam nyo naman kung gaano kahirap magpa reserve dun” pagmamayabang ni Grace

Bigla namang nagsalita si Fatima

“look missy, jey’s restaurant stands for Jey dela Vega ang bunsong anak nila Wilfredo at Rose dela Vega ang Chairman and CEO ng dela Vega group of companies hindi ba? si Jey ang matalik na kaibigan ni Josh at Harvey pati na din ako, malapit kami sa pamilya nya kaya pag pumupunta kami diyan sa restaurant na yan ay hindi na namin kailangan pa ng reservations o humingi ng discount dahil lagi kaming nasa VIP area at laging libre ang kinakain namin” pang iinis ni Fatima

“ouch” tugon ni Luke na medyo natatawa

Napahiya naman si Grace sa sinabi ni Fatima at medyo natawa si Josh at Harvey pati narin ang mga dati kong kaklase sa ginawa ni Fatima.

“ahh guys thanks for the invitation pero may plano na din kasi kami mamayang lunch next time nalang” ngiting tugon ni Josh

Dumating ang lunch time at sabay sabay na lumabas si Josh at Harvey kasama si Fatima at iba ko pang mga dating kaklase sa classroom kasunod naman nila si Grace, Kate, Luke at Elton. Nakita nilang may dalawang lalaking naghihintay sa kanila sa labas ng classroom, agad naman sila nilapitan at binati ng mga ito.

“Mr. Josh Villareal? hi I’m Jerry the team captain of the basketball team, I heard so much about you and believe me napabilib talaga ako sa ipinakita mong husay nung nasa St. Catherine pa kayo, so di nako magpapaligoy ligoy pa I would like to formally invite you na mag tryout sa basketball team this coming friday, I believe na magiging kang asset sa team ” pang hihikayat ng team captain ng basketball team

“And you must be Harvey Montemayor, I’m Danny the team captain of the football team alam ko wala kayong football sa St. Catherine kaya nagtataka ka kung pano ko nalaman na magaling ka sa football, well it is because na nalaman ko na isa ka sa mga ace player ng football sa club na miyembro ang pamilya mo bihira makapasok dun sa team na yun kundi ka rin magaling kaya gaya ng sinabi ni Jerry kay Josh, gusto din kitang imbitahan na mag tryout sa Football team this coming Friday” panghihikayat ng team captain ng football team kay Harvey

“So guys we’ll be expecting you on Friday ha” paalam ng dalawang team captain kay Josh at Harvey

“naks naman hanggang dito ba naman habulin parin talaga kayo ng kasikatan” pang aasar ni Fatima

“sira ka talaga wala naman masama kung mag tryout kami” natatawang tugon ni Harvey

“kung nabubuhay pa si Jey sigurado ako matutuwa yun” sambit ni Fatima

Bigla namang natahimik si Josh at Harvey pati na din ang mga dati kong kaklase sa sinabi ni Fatima

“tara na nga guys” inis na tugon ni Harvey habang nagmamadali paalis

“talagang napaka sakit pa din sa kanya ang pagkamatay ni Jey ano” si Fatima habang kausap si Josh

“kahit sa akin hanggang ngayon masakit na masakit parin pero kumpara nga sa kanya maswerte parin ako kaya hindi natin siya masisisi” malungkot na tugon ni Josh

“pano ba yan college na tayo sigurado ako makakahanap kayo ng bagong matalik na kaibigan dito na papalit kay Jey” sambit ni Fatima

“pwede ba Fatima hinding hindi mangyayaring na papalitan namin si Jey kung magkakaron man siguro kami ng mga bagong kaibigan hindi namin sila mamahalin na tulad ng pagmamahal namin kay Jey” tugon ni Josh

“ok sabi mo eh” tugon ni Fatima

Samantala nag uusap usap naman sila Grace habang papalabas ng campus

“Hay nakakainis talaga yung Fatima na yun” sambit ni Kate

“oo nga she humiliated us infront of Josh and Harvey” inis na tugon ni Grace

“natawa nga ako eh pero what can you do eh she’s way out of our league” natatawang tugon ni Luke

“hayaan nyo na pakibagayan nalang natin sila lalo pa ngayon nakita nyo naman siguro nung lapitan sila ng mga team captains ng dalawang pinakasikat na sport dito sa campus I’m sure kung sikat sila ngayon ay mas lalo pa silang sisikat lalo na kayo Grace and Kate alam naman nating popularity lang naman importante sa inyo eh unlike me gusto ko talagang maging kaibigan si Josh at Harvey” ngiting tugon ni Elton

“ano pa nga ba ang magagawa namin kundi pakibagayan nalang si Fatima” inis na tugon ni Grace

Dumating ang araw ng tryout at gaya ng inaasahan ay nakapasok si Josh at Harvey sa kani kanilang mga team.

Samantala sa aking kinaroroonan...

“Anak pagbutihan mo ang pag aaral mo ha pag nakaipon kami ng itay mo maari na tayong lumuwas ng Maynila para dun mo na ipagpatuloy ang pag aaral mo baka sakali mahanap mo din ang tunay mong pamilya” wika ni Inay

Natuwa ako na may halong kalungkutan sa aking mga narinig, natuwa ako dahil lalaki ang tiyansa na makita ko ang tunay kong pamilya, nalungkot naman ako dahil pag nangyari yun mapapalayo na ako kay Itay Anton at Inay Linda. Napamahal na sa akin ang mag asawang kumupkop sa akin kaya nakakapanghinayang kung magkakalayo kami.

Kinabukasan habang nakaupo kami ni Dindo sa may tabi ng puno ay nakita namin si Marie na papatakbo papunta sa aming kinaroroonan.

“o Marie bat humahangos ka?” tanong ni Dindo

“naku guys kita nyo ba itong hawak ko?” pagmamalaki ni marie

“bakit ano ba yan?” tanong ko

“mga application for scholarship ito ng dela Vega Foundation pag nakapasa tayo dito ay maaari na tayong makapag aral sa maynila” tuwang tuwang sambit ni Marie

“dela Vega?” tanong ko habang napapaisip

Itutuloy...

Author’s note:

Hi Guys alam ko medyo excited na kayo sa muling pagkikita ng tatlo pero tiis lang muna po ha hehe, may mga kailangan pa kasi sa story at hindi ko talaga pwedeng biglain baka mawala kasi emotions ng story :)