Sa Aking Paglisan part 2

Sa aking Paglisan part 2

Nagkamalay ako at pagmulat ng aking mga mata naroon ako sa isang pamilyar na silid, nasa school clinic pala ako.

“oh nagising ka na pala kamusta na pakiramdam mo” tinig ng isang babae na papalapit sa akin

“ay nurse kayo po pala maayos na po ang aking pakiramdam” sagot ko na medyo hilo pa

“wag mo pilitin kung di mo pa kaya magpahinga ka nalang muna” sabi ng nurse

Makalipas ang limang minuto tumatakbong humahangos papasok ng pinto si Fatima

“Jey, nagising ka na pala” si Fatima

“o bat humahangos ka?” pagtatanong ko kay Fatima

“nagkakagulo kasi sila dun sa Oval, hay naku yung dalawang kaibigan mo nagwawala dahil sa nangyari sayo” sagot ni Fatima

“naku samahan mo naman ako gusto ko mapanood hahaha! Joke lang!” pagbibiro ko

Inalalayan ako ni Fatima papunta sa Oval dahil nga medyo hilo pa ako kaya lagi siyang nakahawak sa aking braso. Pagkarating naman sa oval nabigla ako sa aking nadatnan, napakaraming mga estudyanteng nagkukumpulan at tila may pinapanood pinilit naming makisiksik sa mga miron at yun na nga nadatnan ko ang aking platoon leader na pinaparusahan ni Harvy.

Eighty eighth

Eighty Nine

Ninety

pagbibilang ni Harvy habang nagpupush up ang pagod na pagod kong masungit na platoon leader

“Josh ano dagdagan ko pa diba mukha namang di pa pagod eh” wika ni Harvy

“Sige lang dagdagan mo pa mukhang di pa nga siya pagod wala pa akong nakikitang pagod sa mukha nya para din yung hindi nya nakita na may sakit si Jey pero pilit parin nya ito pinag training diba?” ang sagot ni Josh

“naku Harvy kung di mo lang alam lagi niyan pinagtitripan si Jey sa training namin kahit wala naman itong nagawang mali” wika ni Romy ang isa kong ka grupo sa CAT.

“ahh ganun pala kaya pala ang dami ko nakikitang pasa nya sa kamay, o dagdagan pa natin ng one hundred push ups” ang galit na pag utos ni Harvy

Sa mga sandaling iyon bigla na akong lumapit kay Josh at Harvy sabay drama

“hu hu hu ang sakit ng pakiramdam ko hu hu hu”  ang pagdadrama ko sa dalawa kong kaibigan

“Jey ano masakit sayo? Ayos ka lang ba?” sabay hawak sa noo ko ni Harvy

“hindi ako ayos alam nyo kanina may dugo pa suka ko” ang pa baby effect ko, nang biglang may kumurot sa aking tagiliran

“aray!” Ang masakit ko nalang na nasabi at bigla naman napatingin si Harvy at Josh kay Fatima.

“wag ka nga mag inarte! Nagdadrama lang yang si Jey wala naman dugo suka nya kanina. Naku ang lakas talaga niya mang asar” wika ni Fatima.

“wag ka nga nagbibiro ng ganyan alam mong ayaw na ayaw namin sa ganyang biro” sabay pingot ni Josh sa aking tenga.

“aray kooooo, oo na tama na yan wag nyo na parusahan si Arturo (platoon leader namin) saka ang sagwa nyang mag push ups para siyang palakang di matae” ang natatawa kong sabi sabay pandidila kay Arturo na medyo inis na inis na.

Tinapos na din ni Harvy ang pagpaparusa sa kanya at isa isa narin nagsiuwian ang mga estudyante. Papunta na kami sa parking lot nang kausapin ako ni Harvy at Josh.

“Jey bat di mo sinabi sa amin na lagi ka palang pinagtitripan ni Arturo? Edi sana nung una palang na warningan ko na siya” ang nag aalalang tanong ni Harvy.

“Eh ayaw ko na gumulo pa saka baka sabihin pa ng iba gumagamit ako ng impluwensya noh” sagot ko

“bat naman di mo sinabi samin kanina na masama pala pakiramdam mo kelangan pa umabot sa nangyari kanina?” Ang inis na tanong ni Josh

“busy nga kayo sa preparations sa intrams diba? Makikidagdag pa ba ako?” ang sarkastiko kong sagot

“kahit naman ganun we make sure na we always have time for each other naman diba?” si Harvy

“saka alam mo naman na di ka namin pababayaan” si Josh

Tumango na lamang ako at dire diretso na kami sa aming mga sundo. Kinabukasan ay di ako pinayagan ng aking ina pumasok kaya nagpahinga na lamang ako sa bahay. Binuksan ko na lamang ang aking computer at nag online sa friendster at binisita mga account ng mga kaibigan at kaklase ko alam nyo na baka lang naman makahanap ako ng panibagong tsismis hehe. Pagbisita ko sa profile ni Josh as usual puro testimonials ng mga babae at bading sa school na majority naman di nya kakilala puro mga sweet thoughts na nakasulat na as if naman kilala nila yung tao lol. Kaya tawa ako ng tawa. Pagdating naman sa profile ni Harvy ganun din dami bagong friends na from school na di nya masyadong kilala, yung mga babae at bading nagpapa cute yung mga lalaki naman nakiki close alam nyo na para sumikat.

Sinamantala ko na lamang ang aking pahinga at natulog nalang ng buong araw. Kinabukasan ay pumasok na uli ako sa school sa entrance palang kinamusta na ako ng aking mga kaklase at kamag aral na nasasalubong ko. Sabi ko ok naman ako at nagpahinga lang, nakita ko si Josh at Harvey na pinalilibutan ng mga estudyante at nakikipagbiruan sa mga ito, pagkakita nila sa akin agad nila ako nilapitan sabay ayos ni Josh sa aking buhok nakalimutan ko palang magsuklay hahaha! Si Harvey naman kinuha ang aking mga gamit na medyo ang dami nga naman hehe.

“akin na yan ako na magdadala ng mga yan baka kung mapano ka pa” pagaalalang sabi ni Harvy

“weh ang bait mo naman para naman akong na confine kung ituring mo ako hehe” pabiro kong tugon.

At dumiretso na kami sa aming mga klase... bandang hapon may kumatok sa aming classroom isang student assistant ang sabi pinapatawag daw ako ng aming guidance councilor.

“hala ka ano nanaman ginawa mo” pabirong sabi ng aking mga kaklase.

“shet baka may bagong tsismis na ikukweto si Mr. Espiritu(guidance counselor)” ang pabiro kong tugon sa aking mga kaklase na nagpatawa naman sa buong klase.

“oi Jey ang harot mo nanaman ha, magtigil ka nga diyan” si Josh

Agad agad ako lumabas ng school at tumungo sa opisina ng aming Guidance Counselor. Pagpasok ko sa loob ay pinaupo ako ni Mr. Espiritu at agad ko naman ginawa.

“Pinatawag kita ngayon dahil may problema sa iyong extra curricular activities hindi ka pwedeng mag graduate kung wala ka kahit isang organization o sports na sasalihan dito sa school” wika ng guidance counselor sa akin.

Napaisip ako sa sinabi ng aming guidance counselor, kung mag boyscout ako ngeee naiimagine ko palang di nako pwede hehe, kung mag basketball naman kaya? Naku di ko nga alam pagkakaiba ng dalawang court hahaha!

Art guild? Di ako marunong mag drawing at wala ako masyadong hilig dun

Student council? Hahaha! Baka mag file palang ako ng application himatayin na agad ang aking mga guro.

Cheering? Wahahaha di pa ako nawawala sa katinuan nandoon yata mga super aarteng mga babae ng school.

Book Club? Madali akong antukin pag nagbabasa ng libro kaya mas gusto ko nalang panoorin yun sa sinehan hehe.

Pumasok sa aking isipan ang grupong choir, kasama si Josh at Harvy sa grupong ito, at kung di nyo naitatanong maganda ang boses ng dalawa kong matalik na kaibigan sa katunayan nga si Josh pa ang presidente ng nasabing grupo kaya kung gugustuhin ko madali akong makakapasok dito.

Pero hindi ko pa pala nasasabi sa inyo walang nakaka alam sa school o kahit isa man sa aking mga kaibigan na napaka ganda ng aking tinig hehe ang kapal ko pero totoo yun, naku kung itatanong nyo kung sino mas magandang boses sa aming tatlo ni josh at harvey ay pupulutin lang sila sa kangkungan hehe joke lang pero lagi kasi sila nagjajamming at ako nakiki panood lang kuntento nako ng ganun lang. Ayaw ko kasing nagiging centro ng atensyon kaya tinatago ko nalang sa aking sarili ang aking talento.

Pero tulad nga ng sabi nila walang sikretong di nabubunyag. Habang nag iisip isip ako naligaw ako sa isang lumang room na may piano, stereo, mga bala ng minus one etc.., dahil wala namang tao aba nangalikot nako tiningnan ko ang mga bala nakita ko ang paborito kong kanta ni Gary V. “Ikaw Lamang” minus one at sinalang ko ito at nagsimula ko nang kantahin ito.

(paki play po)

Ikaw lamang
ang tangi kong iniisip
ang lagi kong panaginip
tayong dalawa ay laging nagmamahalan

pangarap ko
na kailan ma'y di maglaho
ang pag-ibig kong ito
pagka't hinding-hindi ko makakayang mawalay sa'yo

ikaw lamang ang buhay ko
sana nama'y pakinggan mo
ang puso ko na mayroong sinasabi

Chorus:
ikaw lamang
ang tangi kong minamahal
ang lagi kong dinarasal
sana'y habang buhay tayong magkasama
ang puso ko'y
ibibigay lamang sa'yo
ito ang aking pangako
mula ngayon hanggang magpakailan pa man..
ikaw lamang..

ikaw lamang ang buhay ko
sana giliw pakinggan mo
ang puso ko na mayroong sinasabi..

Nang matapos kong kumanta biglang may pumalakpak sa may likod ko.

Itutuloy...