Sa Aking Pagbabalik part 17

Sa Aking Pagbabalik part 17

Itinigil nya ang sasakyan sa harap ng Jey’s restaurant

“dito tayo mag dinner” si Roby sabay kindat sa akin

“weh nahihibang ka na ba? dito pa talaga sa amin, gusto mo siguro ako ipahamak noh?” inis kong tugon

“alam mo snookie matagal ko nang gusto kumain ulit dito, ilang taon na rin ang lumipas kaya halika na ilibre mo nako” naka ngiting tugon ni Roby

“nanaginip ka bat naman kita ililibre?” inis kong tanong

“ihahatid kita hindi ba? kaya yun nalang kapalit, ilibre mo ako” si Roby habang naka ngiti

“sinasabi ko na nga ba may kabayaran yun eh” inis kong tugon

“natural ano yun libre?” si Roby habang natatawa

“magpapahatid nalang ako sa company car namin diyan” tugon ko habang bumababa ng sasakyan ni Roby

Bumaba rin si Roby at nilapitan ako

“sige para sabihin ko kila Josh at Harvey na magkasama tayong dalawa” si Roby habang naka ngisi

“asa ka pa, para namang maniniwala sayo yung dalawang yun noh” pangaasar ko

Bigla naman akong tinabihan ni Roby at inakbayan sabay kuha ng litrato sa cellphone nya na magkadikit pa mga mukha namin.

“say cheese” si Roby habang kinuhanan kami ng litrato

“Hayan may ebidensya na” si Roby habang nakangiti ng nakakaloko

“waaaaa andumi mo talaga maglaro” inis kong tugon

“o sige sige na nga para matapos na toh” habang papasok na ako ng restaurant

Sa bungad pa lang ng restaurant ay sinalubong na agad kami ng mga waiter at manager para ihatid sa VIP area.

“sir welcome po” bati ng manager

“salamat” tugon ko

Habang nakaupo kami at kumakain

“ang bait mo talaga snookie talagang sa VIP area mo pa ako dinala” sambit ni Roby

“hindi dahil sa mabait ako kundi nag iingat lang ako, ang VIP area kasi ay secure kaya hindi tayo basta basta makikita dito mahirap na baka malaman pa nila Josh na kasama kita ma lintikan pa ako” tugon ko

“talagang hindi pa din pala ako napapatawad ni Josh ano?” seryosong tanong ni Roby

“matapos nang lahat ng ginawa mo sa kanya sa palagay mo ba ganun lang kadali kalimutan yun?” tugon ko

“pareho lang naman kami nagmahal at nasaktan, pinagsisihan ko din naman yung mga nangyari, kung maibabalik ko lang ang nakaraan” seryosong tugon ni Roby

“aba totoo ba itong nakikita ko? Ang mayabang na Roby may soft spot? Hahaha” tugon ko habang tawa ng tawa

“oi snookie magtigil ka nga diyan, mabuti pa kumain ka nalang” tugon ni Roby

“talagang kakain ako noh ako yata magbabayad ok ka lang” tugon ko

“kayo may ari bata ka pa magbabayad?” pang aasar ni Roby

“sus wag mo ako igaya sa gawain mo hindi naman ako katulad mo noh” tugon

“nagtatanong lang masyado ka naman kung makapag react” tugon ni Roby

“pero seryoso, bakit ka ba nagbalik dito?” tanong ko

“wala balik pinas na kasi uli parents ko eh pero kahit naman andyan sila parang wala din” seryosong tugon ni Roby

“sabagay kahit naman siguro ako magulang mo kung may anak akong katulad mo hindi ko rin papansinin” mahina kong tugon

“oi oi narinig ko yun ha ang yabang nito” tugon ni Roby

“totoo naman eh” sabay ngiti ko nang nakakaloko

Bigla naman nag ring ang cellphone ko

“Jey nasan ka na ba? gabi na ahh” si Harvey habang nag aalala

“ahh pauwi na ako kakatapos ko lang tulungan si sir” pagsisinungaling ko

“wag kang aalis diyan sunduin na kita” tugon ni Harvey

“wag na sasabay nalang ako kay sir, nagprisinta din kasi siya na ihatid ako eh hehe” pagsisinungaling ko

“o sige mag iingat ka ha” paalam ni Harvey

“nice sir na pala tawag mo sa akin ngayon ahh snookie” pang aasar ni Roby

“magtigil ka diyan, ayoko pa malibing ng buhay noh kaya hindi nila pwede malaman na kasama ko mortal nilang kaaway” tugon ko

“hahaha! Para naman tayong may bawal na relasyon nito” tugon ni Roby habang natatawa

“eew para namang papatulan kita, may taste naman ako noh” tugon ko

“aba yabang talaga baka nakakalimutan mo, na lapitin ako ng mga babae at bading sa school” tugon ni Roby sabay kindat

“pano ko makakalimutan eh ganun mo inagaw yung girlfriend ni Josh hindi ba?” tugon ko

“oi sobra ka ha hindi mo naman alam ang buong storya sa likod nun, kaya wag moko husgahan” tugon ni Roby na halatang napikon

“Mr. Almendrez tama ba itong nakikita ko? Meron ka nga talagang soft spot, hindi mo bagay hahaha!” tugon ko habang tawa ako ng tawa

“tara na nga hindi ba hinahanap ka na?” aya ni Roby na halatang naiinis

Nilisan na namin ang restaurant at sumakay na sa kanyang sasakyan para ihatid ako pauwi, habang papauwi kami ay nag iba ng routa si Roby.

“oi bat iba daan natin” pagtatakang tanong ko

“di mo ba nakikita sobrang traffic dun, aabutin tayo ng siyam siyam” tugon ni Roby

“ayoko nga papuntang balete drive yung daan diyan eh” tugon ko habang kinakabahan

“wala ka na magagawa heto na pinakamabilis na daan eh” tugon ni Roby habang nagdadrive

“eh kung may magpakita bigla diyan” tugon ko habang takot na takot

“kung natatakot ka ipikit mo nalang mga mata mo” tugon ni Roby

Habang nasa bungad kami Balete drive biglang nag ring ang cellphone ko, si Josh tumatawag at agad ko naman sinagot ito.

“Jey! Nasan ka na ba? gabing gabi na ahh” tanong ni Josh habang nag aalala

“ahh Josh pauwi nako wag ka mag alala” tugon ko

Bigla namang nakaisip ng kalokohan si Roby habang binabaybay namin ang kahabaan ng balete drive

“huy sino yang nasa may bintana mo” pananakot ni Roby

Kaya bigla akong napasigaw sa sobrang takot

“waaaaaaaaa” sigaw ko

“Jey! Jey! Napapano ka?? Ano nangyayari sayo?!” sigaw ni Josh sa telepono habang nagpapanic

Nung magsasalita na sana ako bigla namang nag lowbat ang aking cellphone kaya hindi ko na natuloy ang balak kong sabihin lumabas tuloy na mayroong nangyayaring masama sa akin. Si Roby naman ay walang tigil sa kakatawa.

“hahaha! Grabe kung nakita mo lang sarili mo” si Roby habang tawa ng tawa

“magpakasaya ka na hanggat gusto mo dahil heto na ang kahuli hulihang makakasama pa kita noh” masungit kong tugon

“bakit sino ba may sabing gustong gusto kita kasama? Ayaw na rin kita makasama noh” tugon ni Roby habang wala pa ring tigil sa kakatawa

Biglang namang itinigil ni Roby ang kanyang sasakyan

“oi oi oi anong ginagawa mo bakit ka tumigil?” taranta kong tanong

“putcha na flat pa yata gulong ko” inis na tugon ni Roby

“unggoy ka sa lahat naman ng lugar kung sa ka ma flatan dito pa sa balete drive, hindi kaya pinaglalaruan na tayo ng mga maligno dito?” tanong ko habang takot na takot

“pwede ba wag ka paranoid, na flatan lang talaga tayo” tugon ni Roby habang papalabas ng sasakyan

“oi san ka pupunta?” tanong ko

“edi aayusin, anong gusto mo tumunganga nalang dito?” tugon ni Roby

“aba pilosopo mokong na toh, hmph kung di ka lang talaga gwapo” bulong ko sa aking sarili

“siya nga pala mag ingat ka baka mamaya iba na nakaupo sa driver seat” pananakot ni Roby habang natatawa

“waaaaaa” habang nagmamadali ako lumabas ng sasakyan papunta kay Roby

Talagang napahawak ako sa kanya sa sobrang takot ko

“oi umayos ka nga pano ko magagawa ito kung dikit ka ng dikit diyan” si Roby habang tinitingnan ang na flat nyang gulong

“eh tinatakot mo ako eh” tugon ko

“mabuti pa tulungan mo nalang ako pakikuha sa likod ng kotse yung lyabe” tugon ni Roby

“ayoko nga mamaya may lumabas pa dun” pagtanggi ko

“o sige mas lalong hindi tayo makakaalis dito, anong gusto mo magdamag tayo dito? Tugon ni Roby

“ikaw magdamag diyan ako mag aabang nalang ako ng taxi dito may mga dumadaan pa naman dito eh” tugon ko

“bahala ka pero nakakasigurado ka bang taxi driver nga ba talaga yung nagmamaneho nun?” pananakot ni Roby

“nyay oo nga noh, o sige sige kukunin ko na” tugon ko

Hinanap ko nga sa likod ng sasakyan yung lyabe, pero medyo natagalan ako

“oi snookie ano ba nasan na yung pinapakuha ko kanina pa naka angat itong sasakyan” si Roby

“oh heto na” sabay abot ko sa kanya

“oh ano toh?” tanong ni Roby habang napapakamot

“edi yung pinapakuha mo” tugon ko

“eh vise grip ito eh, lalo tayong magtatagal niyan eh” tugon ni Roby habang naiinis

“lyabe as in wrench” dagdag pa ni Roby

“oo na kukunin na madilim kasi kaya namali ako” palusot ko pero wala talaga ako alam kung ano pinapahanap nya

Habang kinakalkal ko ang trunk ng sasakyan para hanapin yung lyabe...

“ano ba yan, bat di kasi ako nakikinig kila Josh saka Harvey pag nag uusap sila tungkol sa sasakyan para tuloy akong tanga” mahina kong sambit

Bigla namang lumabas mula sa likod ko si Roby

“Hoy! Ang tagal mo ahh” sambit ni Roby

“waaaaa” pagkagulat ko ay may nadampot akong bagay mula sa trunk at naihampas ko sa kanya

“aray ko, masakit yun ha” tugon ni Roby habang hinihimas yung braso nya

“wag ka kasi nangugulat eh” inis kong tugon

“o yan na pala hawak mo na eh bat di mo pa inabot kanina, lalo pa tuloy tayong nagtatagal eh” tugon ni Roby

“ahh eh pabigay ko na nga dapat sayo eh hehe” palusot ko

Habang pinapalitan ni Roby ang gulong ng kanyang sasakyan ay may narinig naman akong alulong ng aso, kaya lalo akong lumapit kay Roby

“kanina ka pa dikit ng dikit diyan ha, kaya di tayo matapos tapos eh” reklamo ni Roby

“eh kasi sabi ng mga matatanda pag may umaalulong na aso may nakikita daw itong multo” tugon ko habang nakahawak pa rin ako kay Roby

“infairness ang bango bango niya talaga, kahit pinag papawisan na” sambit ko sa aking sarili

Samantala sa penthouse ay tumawag si Josh kay Harvey para tanungin kung nakauwi na ako, dali dali kasing umalis si Josh para hanapin ako.

“Tol ano nakauwi na ba si Jey?” pag aalalang tanong ni Josh

“hindi pa rin eh, napuntahan mo na ba lahat ng mga kaibigan niya?” tanong ni Harvey

“nakapunta nako kila tito saka ibang mga kaibigan nya pero wala siya dun” tugon ni Josh

“sige ipagpatuloy mo lang paghahanap mo tatawagan ko pa yung mga iba pa nating mga kaibigan” tugon ni Harvey

“puta naman tol eh kung may nangyari ngang masama kay Jey” si Josh habang nagpapanic

“tangina naman Josh eh wala namang ganyanan, wag kang mag isip ng ganyan, lalo lang tayong mag aalala niyan eh” tugon ni Harvey habang lalong di mapakali

“humanda talaga gagong yun pag nakita ko siya” tugon ni Josh

Samantala sa aming kinaroroonan...

“o yan ayos na po” wika ni Roby

“hay salamat makakaalis nako sa impiyernong lugar na toh na kasama ang demonyo” sabay tingin ko sa kanya

“eh kung iwanan kaya kita dito” tugon ni Roby

“heto naman oh di na mabiro” tugon ko

Nilisan na namin ang lugar at ihinatid na nga nya ako sa penthouse, ngunit sa harap ng building ay nakita ko si Harvey na naghihintay at halatang alalang alala.

“teka wag mo ako ibaba diyan makikita ako ni Harvey, patay ako niyan” pakiusap ko kay Roby

“ikaw ang bahala” tugon ni Roby habang iniurong ang kanyang sasakyan

Pagbaba ko ng sasakyan ay binuksan naman ni Roby ang bintana

“oi snookie salamat nga pala sa dinner ha” sabay kindat

“salamat din sa paghatid kahit inabot ako ng kamalasan” tugon ko

“aba loko toh ahh ikaw na nga hinatid ikaw pa nagrereklamo diyan” tugon ni Roby

“bleeeh” pang aasar ko

Habang naglalakad ako papalapit sa entrance ng building kung san nakatayo si harvey at naghihintay ay nakaramdam ako ng kaba dahil hindi ko maisip ang sasabihin kong palusot sa dalawa. Nakayuko ako papalapit para hindi ako mapansin ni Harvey at makatuloy nako sa taas, pero napalingon siya kaya nakita din nya ako.

“Jey! Ikaw ha lulusot ka pa ha” galit na sambit ni Harvey

“ahh hello” tugon ko habang hiyang hiya

“tangina Jey! San ka ba nanggaling kanina pa kami alalang alala sayo ahh si Josh kanina pa umalis para lang hanapin ka kung saan saan tapos yan isasagot mo sa akin “hello”??” si Harvey habang galit na galit

Bigla akong  yumakap kay Harvey

“waaa sorry na sorry na, hindi na mauulit pls. wag ka na magalit sa akin” pagmamakaawa ko

“oi Jey di moko madadaan sa ganyan, ano na saan ka galing?” tanong ni Harvey habang galit na galit pa rin

“isipin mo nalang yung pangbubugbog mo sa akin dati dahil kay Diane, hindi ka ba naaawa sa akin? Saka diba labs moko?” pagdadrama ko

“tangina naman Jey eh kinakausap ka ng matino puro ka nanaman kalokohan, lalo akong magagalit sayo niyan eh” si Harvey na halatang napipikon na

“alam mo ba tinawagan na namin halos lahat ng mga kaibigan natin pero wala ka dun si Fatima lang ang di namin ma contact, magkasama ba kayo? Tanong ni Harvey

“bukas ko nalang ikukwento lahat pagod na pagod na talaga ako plsss” pagmamakaawa ko habang patalikod kay Harvey para sumakay ng elevator.

“oi Jey san ka pupunta hindi pa tayo tapos?” pagpigil ni Harvey

Ngunit mabilis akong nakasakay ng elevator papunta sa penthouse

“pasensya ka na Harvey alam kong nangako ako sa inyong hindi nako magsisinungaling pero hindi nyo kasi talaga pwede malaman eh, alam kong lalo lang magkakagulo” malungkot kong sambit habang nasa elevator ako

Pagpasok ko sa aking silid ay agad kong nirecharge ang aking telepono at tinawagan si Fatima, buti na lamang ay sinwerte ako at nag ring ang cellphone nya.

“o Jey napatawag ka” si fatima

“Fatima natawagan ka ba nila Josh at Harvey kanina?” tanong ko

“hindi eh low bat kasi ako kanina kaka recharge ko lang” tugon ni fatima

“naku mabuti naman kung ganun, Fatima favor naman oh pag nagtanong sila Josh saka harvey sayo pakisabi magkasama tayo kanina pag tinanong naman kung saan tayo nagpunta sabihin mo ako nalang tanungin, bukas ko nalang ikukwento sayo lahat, sige na plsss” pakiusap ko

“naku may ginawa ka nanamang kalokohan noh? O sige sige ako na bahala pero i kwento mo bukas sa akin yan ha” tugon ni Fatima

“sige pangako ikukwento ko sayo bukas” paalam ko

Hindi pa rin nakakaakyat si Harvey dahil sa malamang tinawagan pa si Josh para sabihing nakuwi nako, dali dali akong nagbihis at naghilamos para mahiga sa kama at magtulog tulugan na.

Samantala sabay pumasok sa penthouse si Josh saka Harvey

“Humanda talaga sakin yung gagong yan” si Josh habang galit na galit

“badtrip nga eh dinadramahan pa ako kanina” tugon ni Harvey

“tangina pare nakausap ko si Mr. Perez, kanina pa pala sila natapos ibig sabihin nagsisinungaling talaga yang si jey” tugon ni Josh habang galit na galit

“totoo? Tangina badtrip nga” tugon ni Harvey habang galit na galit din

“teka nasan na ba yun?” tanong ni Josh

“nasa kwarto na nya” tugon ni Harvey

Pagpasok nila sa aking kwarto ay nadatnan nila akong natutulog, hindi narin ako nakapag panggap na magtulog tulugan dahil diretso na din akong nakatulog sa sobrang pagod na din siguro.

“tol bukas nalang mukhang napagod na si Jey eh” sambit ni Harvey

“sige bukas nalang hayaan na natin siyang magpahinga” tugon ni Josh

Kinabukasan pagkagising ko habang inuunat ko ang aking mga kamay ay nadatnan kong nakatayo si Josh at Harvey sa tabi ng aking kama, para bang hinihintay talaga akong magising.

“o yan magpaliwanag ka na” seryosong sambit ni Josh

“at wag mo na subukang magsinungaling uli, gaya ng pagsisinungaling mo kagabi na kasama mo pa si Mr. Perez kahit matagal nyo na pala natapos yung ginagawa nyo” dugtong pa ni Harvey habang seryosong seryoso din

“teka bat ba concern na concern ka yata ngayon Josh eh diba galit na galit ka sakin kahapon” tugon ko habang napapayuko

“pota Jey wag mo ibahin ang usapan sagutin mo ang tinatanong namin san ka galing kagabi?” tugon ni Josh habang lumakas na ang tono

Kagabi pa lang ay pinaghandaan ko na, na mangyayari ito kaya nakaisip na ako ng idadahilan, at pinapanalangin ko na hindi nila mahalata na nagsisinungaling ako.

“galing kami sa frat party nila Fatima” mahina kong tugon

“frat party? Hindi ba sinabihan na namin kayong wag kayong pupunta sa mga ganun dahil delikado dun?” tugon ni Harvey

“eh napasubo na kami eh, saka minsan lang naman hindi na talaga mauulit” tugon ko habang nakayuko

“bat napasigaw ka kagabi tapos biglang di ka na namin ma contact? Akala namin may nangyari nang masama sayo ah” si Josh

“ahh hindi pinagtripan lang ako nung isa tinakot ako kaya napasigaw ako, nag low bat din kasi ang cellphone ko nung mga oras na yun” paliwanag ko

“eh kung may nangyari ngang masama sa inyo dun” tugon ni Josh

“eh wala naman nangyari eh” tugon ko habang nakayuko pa din

“putcha Jey heto nanaman tayo eh, yung ugali mong ganyan yung pinaka ayaw namin sayo eh, kagabi sobra pag aalala namin sayo tapos heto ka parang wala lang sayo yung mga nangyari, bat ba gustong gusto mong nag aalala kami? Alam mo ba kagabi naramdaman uli namin yung naramdaman namin dalawang taon na ang nakalilipas.” Si Harvey

Napayuko na lamang ako habang nakikinig

“Tama ka yung pinaka ayaw naming maramdaman yung naramdaman namin nung araw na mawala ka, yun din ang pinaramdam mo sa amin kagabi alam mo ba yun? Jey naman eh alam mo namang mahalaga ka sa amin kaya wag mo namang hayaang pagdaanan namin ulit yun alam mo namang di na namin kakayanin pag may nangyari pang masama uli sayo eh” dagdag pa ni Harvey

Bigla ko namang niyakap ng mahigpit si Harvey

“sorry na talaga Harvey hindi na mauulit” tugon ko habang nakayakap ako sa kanya

“wag ka na mangako dahil sigurado naman ako uulitin mo nanaman eh” tugon ni Harvey

“eh sa akin hindi ka magsosorry? Ako yung pinagod mo kagabi kakahanap sayo ahh” si Josh

Lumipat naman ako kay Josh at siya naman ang niyakap ko ng mahigpit

“sorry din Josh nag alala tuloy kayo sa akin saka sorry din pala yung kahapon yung paglilihim ko sayo tungkol kay Roby” habang nakayakap ako kay Josh

“badtrip naalala ko nanaman yung Roby na yan, masisira nanaman ang araw ko niyan pag nakita ko yan mamaya” tugon ni Josh habang naiinis nanaman

“sorry pinaalala ko, Josh pede pakiss na din hehe” biro ko

“ulol sa mga ginawa mo sa amin kagabi mas lalong wala kang kiss” tugon naman ni Josh

“tama din pala ang desisyon kong magsinungaling, dahil sigurado akong magwawala lalo sila Josh pag nalaman nilang kasama ko lang si Roby kagabi” sambit ko sa aking sarili

“by the way Jey hindi ba ngayon ka maglilipat ng mga gamit mo sa bahay papunta dito” tanong ni Harvey

“oo after natin sa school, kaunti lang naman kasi ililipat ko halos mga damit lang saka iba pang gamit” tugon ko

Pumunta kami ng school para isubmit iba pang mga requrements, lalo ako may back subjects pa ako kasi hindi naman na credit lahat galing sa dati kong school. Pagdating namin sa school  nadatnan namin mga kaibigan namin sa tambayan.

“uy Jey kamusta ka na alalang alala kami sayo kagabi ahh, kala namin kung napano ka na” sambit ni Luke

“oo nga san ka ba nagpupupunta” si Tom

“magkasama sila ni Fatima” tugon ni Harvey

“oi Fatima bat kayo nagpunta sa frat party kagabi ha?” seryosong tanong ni Josh

“ahh ehh” si Fatima habang nakatingin sa akin na tila hindi alam sasabihin

“diba sinabihan na namin kayo na wag kayo pupunta sa lugar na yun, pero ano? Nagpunta pa din kayo eh kung napahamak kayo?” si Harvey habang galit ang tono

“ahh ehh sige wag kayo mag alala hindi na mauulit hehe” tugon ni Fatima

“talagang ayaw na namin maulit yun” tugon nila Josh

Bigla naman akong nilapitan ni Fatima at binulungan

“naku Jey madami ka ipapaliwanag sa akin, pati ako mapapahamak dahil sayo eh” bulong ni Fatima

Habang inaayos pa nila Josh at Harvey pati na din ng iba pa naming mga kaklase mga requirements nila agad naman ako hinila ni Fatima papunta sa malayo para makapag usap kami.

“hoy Jey ano na mag umpisa ka na, ikwento mo na sa akin lahat lahat” si fatima

Ikinwento ko nga kay Fatima ang lahat nang nangyari sa akin kahapon.

“omg Jey you did what??” gulat na tanong ni Fatima

“oo alam ko mali nga ginawa ko nagsinungaling ako kila Josh at Harvey” tugon ko

“hindi yun ang issue yung sinasabi ko yung pagsama mo kay Roby, nahihibang ka na ba? eh kung nahuli ka nung dalawa edi mas lalong nagalit mga yun sayo” tugon naman ni fatima

“eh kaya nga kailangan ko mag imbento ng dahilan buti nalang binili nila Josh yung dahilan ko, nakatulong din siguro yung pagyuko ko habang kinakausap nila ako hindi nila nakikita facial expression ko hehe” tugon ko

“naku pasalamat ka kaibigan talaga kita pero yun na ang huli” tugon ni fatima

“wag ka mag alala wala narin naman ako balak gawin pa uli yun” tugon ko

Pagbalik namin sa tambayan ay nakita namin sila Josh kinakausap si Ms. Dela Cruz yung isa sa mga organizers ng pageant.

“Sige po ma’am naghahanda na po ako” tugon ni Josh sa organizer

“and you too Harvey kahit ikaw yung reigning Mr. University kailangan mo pa din maghanda” si Ms. Dela Cruz

“don’t worry ma’am maghahanda rin po ako” ngiting tugon ni Harvey

Nung makita ako ni Ms. Dela Cruz ay agad nya akong nilapitan

“by the way Mr. dela Vega, I heard so many good things about you lalo na sa pagkanta kaya gusto ko sana na magkaron ka ng intermission no. sa coronation night, sana pagbigyan mo ako” pakiusap ni Ms. Dela Cruz

“sige po ma’am yun lang po pala” tugon ko habang nakangiti

Nagpaalam muna ako sa aking mga kaibigan para ayusin mga back subjects ko, habang papunta ako sa college of business administration para mag submit ng requirements dahil dun nalang ang open para makuha ko iba ko pang mga back subjects, nag close na din kasi yung sa isang department kung san nakakuha sila Marie at Dindo, nakasalubong ko naman si Roby

“uy snookie san ang punta mo?” tanong ni Roby habang sinabayan ako sa paglakad

“sa impyerno dadalawin ko mga kamag anak mo hehe” biro ko

“loko to ahh” tugon ni Roby

“oi layo ka nga ng konti mamaya may makakita pa sa atin sabihin close tayo malaman pa nila Josh malintikan pa ako” sambit ko

“grabe ang yabang nito ahh parang pinag aagawan ka naman ng mga campus hearthrobs nyan eh” tugon ni Roby

“naman!” tugon ko habang natatawa ako

 “aba ang yabang nga, teka nakita mo ba si Ms. Dela Cruz?” tanong ni Roby

“ahh oo kanina andun siya kinakausap sila Josh saka Harvey para sa pageant” tugon ko

“about that pageant usap usapan din dito yung kakanta sa coronation night magaling daw pero hindi pa nila alam kung sino basta alam lang nila galing din sa St. Catherine yun, sabi ko nga imposible yun si Josh at Harvey lang naman mahigpit kong kalaban sa kantahan dati sa school mula nung mag transfer ako, kaya imposibleng galing sa St. Catherine yun” sambit ni Roby

“ahh talaga? Wow gusto ko makilala kung sino yun” tugon ko habang natatawa ako

“sus wala panama sa akin yun” pagmamayabang ni Roby

“talaga lang ha” tugon ko habang natatawa ako

“teka nga bat mo ba hinahanap si Ms. Dela Cruz” tanong ko habang nauuna ako maglakad

“eh siya kasi organizer ng pageant eh” tugon ni Roby

“oh eh ano ngayon” tugon ko

“gusto ko kasi sumali sa pageant wala pa naman daw representative dito sa department namin eh, kumukuha pa lang daw sila” tugon ni Roby

Bigla naman akong nagulat sa kanyang sinabi kaya napatigil ako sa paglalakad. Bigla ko siya hinila sa isang sulok kung saan wala nakakakita sa amin.

“oi snookie sabi ko na nga gusto mo akong masarili, ikaw ha pilyo ka” sabay kindat ni Roby

“eew kadiri ka, di ako kumakain ng palaka” tugon ko

“nahihibang ka na ba? edi lalong nagkagulo kung kakalabanin mo si Josh” wika ko

“bakit siya lang ba pwede sumali? Nag aaral din naman ako dito ahh kaya may karapatan ako” tugon ni Roby

“asus kagabi may pa emote emote ka pa diyan na pinagsisisihan kunwari mga ginawa kay Josh, tapos heto ka naman ngayon kakalabanin siya” tugon ko

“gusto kong magkaayos kami pero wala naman koneksyon yung gagawin kong pagsali sa away namin ni Josh ahh” tugon ni Roby

“sabagay di ka naman mananalo eh baka mamaya sa department nyo pa lang eliminated ka na agad wahahaha” pang aasar ko habang pinagpatuloy namin paglalakad

“yabang nito” sabay batok ng mahina sakin ni Roby

“aray ko, wahaha napikon” pang aasar ko

“Diyan ka na nga wala ka talagang kwentang kausap” inis na tugon ni Roby habang papaalis

Bigla naman akong nakaramdam ng hilo kaya bigla akong napaupo sa sahig sa tabi ng hallway, kaya biglang napasigaw at naglapitan ang mga estudyanteng nakakita sa akin

“ayos ka lang ba?” tanong nung isang estudyante

“mukhang nahilo siya” sambit naman nung ibang estudyante

Nilapitan naman ako nung isa kong kaklase

“Jey ayos ka lang ba? tatawagan ko sila Josh” yung kaklase ko habang kino contact sila Josh

Bigla naman napatingin sa likod si Roby dahil na din sa narinig niyang sigaw ng ibang mga estudyante, at nakita nga nya akong nanghihina habang naka upo sa sahig. Agad agad siyang tumakbo papunta sa akin para itayo at alalayan.

“Ano ba kayo, titingnan nyo lang ba siya?” galit na sambit ni Roby habang tinatayo ako para akayin papunta sa clinic.

Samantala sa kinaroroonan nila Josh at harvey kasama ng mga kaibigan namin ay tinawagan siya ng kaklase naming si Howard

“tol, si Jey kasi biglang nahilo kanina kaya napaupo sa sahig sa may hallway papunta sa opisina ng college of business administration” sambit ni Howard

“ha? Nasaan na siya ngayon?” pag aalalang tanong ni Josh

“papunta na ng clinic may nagdalang isang lalaki sa kanya kanina” tugon ni Howard

“tol anong nangyayari bat nagkakaganyan ka?” tanong ni Tom

“bigla nalang daw nahilo si Jey kanina” tugon ni Josh habang nag aalala

“putcha naman ano nanaman kaya nangyari dun” si Harvey habang di mapakali

“tara na guys, puntahan nalang natin” si Luke

At dali dali na nga nilisan ng aking mga kaibigan ang kanilang kinaroroonan para puntahan ako.

Itutuloy...