Sa Aking Pagbabalik part 5

Sa Aking Pagbabalik part 5

Lumipas ang isang buwan at dumating ang oras ng aming pag alis papunta nang Maynila, habang naghihintay kami sa pier ay napansin nila Inay at Itay pati na din si Dindo at Marie na parang balisa at di ako mapakali

“namumutla ka anak” pag aalala ni Inay

“oo nga may nararamdaman ka bang masama?” tanong ni Itay

“ayos lang po ako parang may nararamdaman lang po akong takot hindi ko maipaliwanag kung bakit pero pag nakakakita po ako ng barko may kakaibang takot akong nararamdaman” paliwanag ko

“baka naman may phobia ka lang sa barko” tugon ni Marie

“hindi ko alam pero siguro nga” tugon ko

Binale wala ko na lamang ang aking nararamdaman at tiniis na lamang ang takot, dumating ang oras ng pagsakay at pag alis ng barko, habang nasa barko kami

“Anton ano kayang naghihintay na kinabukasan sa atin dun sa Maynila” tanong ni Aling Linda

“hindi ko rin alam pero mas may kinabukasan naman siguro tayo doon kesa sa isla natin” paliwanag ni Mang Anton

Si Dindo at Marie naman ay sobrang excited nang makarating sa Maynila

“excited na excited kayong dalawa ahh” biro ko

“oo naman unang beses kasi naming makarating ng Maynila, mas lalo na itong si Marie eh halos lahat yata ng mga taga Maynila artista tingin nya eh pano pa kaya pag dun na tayo mismo sa maynila hahaha” pang aasar ni Dindo

“hoy sobra ka naman hindi naman ako ganun noh” tugon ni Marie

Bigla naman ako kinausap ni Inay at Itay

“anak alam mo dalawang taon na pala nung una ka naming matagpuan sa dalampasigan ang laki na ng pinagbago ng itsura mo” si Inay

“oo nga anak at sana makita mo na din ang pamilya mo, alam ko nag aalala na sila sayo” ngiti ni Itay

“sana nga po” tugon ko

Samantala sa penthouse ni Josh at Harvey sa Makati

“Tol dumating ka na pala siya nga pala hinahanap ka ni Grace kanina” sambit ni Josh kay Harvey

“Si Grace nanaman? sinabi ko na naman sa kanya na matagal na kaming tapos” si Harvey na medyo naiinis

Naging magkasintahan si Grace at Harvey pero tumagal lamang sila ng dalawang buwan dahil hindi rin nagustuhan ni Harvey ang ugali ni Grace. Pero si Grace ay patuloy pa din ang pagsuyo kay Harvey upang makipagbalikan sa kanya.

“siya nga pala tol bakit bihis na bihis ka yata ngayon?” tanong ni Harvey

“wala ka bang naalala ngayong araw?” tanong ni Josh

“wala naman” pagsisinungaling ni Harvey

“Tol diba  2^nd death anniversary ni Jey” sambit ni Josh

“ahh ngayon ba yun gagawin? Ah ok” malamig na tugon ni Harvey

Bigla naman dumating si Fatima

“o Josh handa ka na ba? tayo na baka mainip pa si Jey” ngiti  ni Fatima

“teka Harvey hindi ka ba sasama?” tanong ni Josh

“hindi kayo nalang marami pa akong gagawin” tugon ni Harvey

“ano ka ba naman death anniversary ng best friend natin di mo man lang dadalawin? Wala ka na ba talagang pakialam sa kanya?” si Josh habang galit na ang tono.

“Josh pls pagtatalunan nanaman ba natin uli ito? Pagod ako ayaw kong makipag talo sayo” inis na sambit ni Harvey habang papasok sa kanyang kwarto.

“Josh hayaan mo na si Harvey, intindihin mo nalang siya unlike satin di man nga nya nayakap at nakausap si Jey sa huling pagkakataon” paliwanag ni Fatima

“ano pa nga ba magagawa ko kundi lagi nalang siyang intindihin” tugon ni Josh

“Tara na naghihintay na dun sila Tom at Beth pati yung iba pa nating mga dating kaklase” aya ni Fatima

Samantala sa kwarto ni Harvey habang nakahiga siya

“Mali ka Josh, hanggang ngayon napakasakit pa rin sa akin ang pagkamatay ni Jey” mahinang sambit ni Harvey habang lumuluha ito.

Samantala sa aming kinaroroonan...

Dumating ang oras ng pagdaong ng barko sa pier sa maynila

“anak susunduin daw tayo ng Van na pag aari ng dela Vega group, ihahatid kami sa aming papasukan” si Inay

“ahh Inay pwede po bang sumama sa inyo para malaman ko naman kung saan kayo tutuloy” tugon ko

“oo naman anak mas mabuti pa nga” tugon ni Inay

“kami din po sasama muna para sabay sabay na kami nila Anghelo sa lilipatan naming dorm” wika ni Marie.

Dumating na ang susundong Van at sumakay na kami papunta sa bahay ng magiging amo ni Inay at Itay.

Samantala sa bahay nila Grace habang kumakain siya kasama ang kanyang pamilya.

“By the way Lisa kamusta na pala kayo ni Justin?” tanong ng Mama nila

“Si Lisa Villegas ang panganay na anak ng pamilya Villegas ang nakakatandang kapatid ni Grace, kung ano ang ugali ni Grace ay ganun din ang ate nya. Naging magkasintahan si Kuya Justin at Lisa nung magkakilala sila sa law school, naging magkaklase kasi silang dalawa at hanggang ngayon magkaklase pa din sila.

“ok lang ma ayos naman kami” ngiting tugon ni Lisa

“good now I can hear some wedding bells” biro ng mama nila

“ikaw talaga ma, ineenjoy parin namin ang isat isa noh” ngiting tugon ni Lisa

“oo nga naman anak tama ang mama mo just imagine kung mapapangasawa mo ang panganay na anak ni Mr. dela Vega magiging isa na tayo sa may ari ng kumpanya” tugon ng Papa nila

“eh ikaw Grace kamusta na kayo ni Harvey?” tanong ng mama nila

“ganun parin iniiwasan pa rin nya ako, pero I really want him back” malungkot na tugon ni Grace

“don’t worry magkakaayos din kayong dalawa” tugon ng papa nila.

“by the way ma diba ngayon darating yung bagong katulong at driver?” tanong ni Lisa

“oo nga dapat andito na mga yun, bat kaya wala pa sila?” pagtataka ng mama nila

“basta ma don’t forget to remind them na pls. no eye contact lalong lalo na sa akin” bilin ni Grace

“I know iha don’t worry ako na ang bahala” tugon ng mama nila

Dumating kami sa bahay ng pamilya Villegas, pinagbuksan kami ng pinto ng isa pa nilang katulong, pagpasok naman sa may dining area ay nadatnan namin silang kumakain. Hindi ako nakilala ng parents nila Grace dahil nung mawala ako ay kapapasok lang ng kanyang ama sa kumpanya bilang bise presidente ng marketing department. Kung matatandaan ninyo ipinatago ni Papa lahat ng bagay na magpapaalala sa akin kabilang na ang aking mga larawan para di nya ako maalala. Si Grace naman at Lisa dahil nga sa pagka matapobre ni tumingin sa mga kasambahay ay ayaw nila kaya hindi nila ako nakita.

“Good afternoon po madam” bati ni Itay at Inay

“o bakit ngayon lang kayo?” masungit na tanong ng mama nila

“medyo nahuli po kasi yung pagdaong ng barko” paliwanag ni Itay

“anyway siguro naman naipaliwanag na sa inyo kung ano ang magiging trabaho ninyo dito hindi ba?” tugon ng mama nila

“opo madam naipaliwanag na po sa amin” tugon ni Inay

“tandaan nyo ayoko ng papatay patay sa trabaho gusto ko lahat ng sulok ng bahay malinis, naka monitor din ang pagkain ninyo at tandaan nyo bilang ko ang mga delata sa kusina kaya alam ko kung may nagkukulang” masungit na sambit ng mama nila

“at ikaw ano kasi pangalan mo?” tanong ng papa nila habang nakaturo kay Itay

“Anton po” tugon ng papa nila

“ayoko ng kaskasero sa pagmamaneho ha” bilin ng papa nila

“opo wag po kayo mag alala maingat po ako” tugon ni Itay

Tumayo naman si Grace at Lisa para pumunta na sa kani kanilang mga kwarto

“ma remember yung bilin ko ha, saka ayaw ko nang haharang harang sila sa dinadaanan ko” masungit na sambit ni Grace habang papaakyat na sa kanyang kwarto

“ipa background check nyo din mga yan ma baka katulad din yan ng mga dati nating katulong malilikot ang mga kamay” sambit naman ni Lisa habang papaakyat na din sa kanyang silid

“oo iha ako na ang bahala” ngiting tugon ng mama nila

“siya nga pala sino nga pala mga kasama mo?” tanong ng mama nila

“ahh heto nga pala ang anak namin si anghelo saka mga kaibigan nya si Dindo at Marie” pakilala ni Inay

“good afternoon po” bati namin sa mag asawa

“eh bat kasama nyo yung mga yan? Wag nyo sabihing dito nyo din sila patitirahin?” masungit na tanong ni Mr. Villegas

“ahh hindi po sinamahan lang nila po kami sa dorm po malapit sa school ang titirhan nila” paliwanag ni Itay

“aba talagang ginawa nyo pang pasyalan itong pamamahay namin” tugon ni Mrs. Villegas

Medyo nahiya naman kami sa mga sinabi ng mag asawa kaya nagpasya na kami nila Marie at Dindo na magpaalam.

“ahh mauuna na po kami pasensya na po uli sa abala” paalam ko

Nagpaalam na kami at lumabas ng bahay, habang nasa labas ng bahay ay kinausap ko si Inay at Itay.

“Nay , Tay ayos lang po ba talaga kayo dito grabe naman po palang pagka masungit at matapobre ng pamilyang yun” pag aalala kong tanong

“oo nga po Mang Anton, Aling Linda dinaig pa nga nila mga napapanood kong telenovela sa TV sa pagka matapobre” dagdag ni Marie

“wag kayo mag alala ayos lang kami, mag iipon lang naman kami ng itay mo at pag nakaipon na kami maari na kaming bumalik sa atin” ngiting tugon ni Inay

“oo nga anak kaya wag na kayong mag alala mapag titiisan naman namin ito” tugon ni Itay

“basta mag iingat na lang po kayo” si Dindo

“Siya nga pala pasensya na kayo hindi na namin kayo maihahatid pa sa dorm ninyo hindi na rin kasi kami pinayagan ni madam at sir” paliwanag ni Inay

“ayos lang po yun Inay basta mag iingat na lang po kayo” tugon ko

Nilisan na namin ang bahay ng pamilya Villegas at dumiretso na sa dela Vega Foundation para mag full up ng mga papeles na gagamitin namin sa pag aaral. Naging maayos naman ang pagtanggap sa amin ng mga empleyado at gaya ng inaasahan walang nakakilala sa akin. Dumiretso kami sa aming magiging dorm, si Marie ay napunta sa Female dormitory kami naman ni Dindo ay sa male dormitory. Maliit lamang ang dorm pero pupwede na dahil gagamitin lang naman namin sa pag aaral. Nakilala pa namin ang iba pa sa mga makakasama namin at maayos naman sila sa pagtanggap sa amin.

“kailan pala kayo mag eenroll?” tanong ni Michael isa naming ka dorm

“ahh bukas na din sana” tugon ni Dindo

“ganun ba? edi sumabay na kayo sa akin” ngiting tugon ni Michael

“sige salamat ha” tugon ko

Pagsapit ng hapunan ay sumabay na din sa aming tatlo si Michael na kumain, puno ng kwentuhan tungkol sa buhay namin sa isla at tungkol din sa pamilya nya, ngunit hindi ko sinabi ang totoo na hindi ako tunay na anak ni Inay at Itay yun ay sa dahilan na gusto kong ma protektahan sila Inay at Itay pati narin ang aking sarili dahil kapag nalaman ng dela Vega foundation ang aming pagsisinungaling ay nakakasiguro akong hindi na ako makakapag aral pang muli.

“alam nyo maswerte talaga tayo dahil sa isang sikat na eskwelahan tayo mag aaral kaya ganun na lamang ang pagnanais ng karamihan na matanggap dito sa scholarship ng dela Vega, napaka bait nga naman ng pamilyang may ari nito gusto nya makapag aral sa magandang eskwelahan kahit ang mga mahihirap na mag aaral na tulad natin” paliwanag ni Michael

Kinabukasan kasama si Michael ay tumuloy na kami sa school para makapag enroll.. Habang nag eenroll kami ay nakita namin ang isang grupo ng mga estudyante na masayang nagtatawanan at nagkukwentuhan. Nung makita ko sila parang ang gaan gaan ng loob ko sa iba sa kanila kaya tinanong ko si Michael kung sino sila.

“Michael sino mga yun?” tanong ko

“ahh yung mga yun ba? sila lang naman ang grupong pinaka sikat dito sa campus” tugon ni Michael

“grabe ang gugwapo ng iba” si Marie habang kinikilig

“itsura palang mukhang mga anak mayaman na” dagdag ni Dindo

Ngunit ako ay tahimik lamang na pinagmamasdan ang iba sa kanila na para bang matagal ko na silang kakilala. At isa isang pinakilala ni Michael sa pamamagitan ng pagsabi ng mga detalye tungkol sa kanila

“Yun si Luke original na kabarkada ni Grace, Kate at Elton.. tahimik lang sya pero mabait. Yun naman si Kate ang best friend ni Grace, naku sama ugali ng dalawang yan sobra yabang at matapobre” wika ni Michael

“oo alam na namin yan yung Grace na anak nung amo ng mga magulang ni Anghelo, masama talaga ugali nyan” tugon ni Marie

Nagpatuloy naman si Michael sa pagpapakilala

“yun naman si Elton malapit yan kay Josh at Harvey panay nga dikit nya sa dalawa eh” kwento ni Michael

“yung mga original na grupo naman ng magkakaibigan, yun si Ricky, Ben at Robert mga anak mayaman din ang mga yan, si Tom at Beth yung magkatabi sila lang yung naiibang course sa mga magkakaibigan mayaman din ang pamilya nila” kwento pa ni Michael

Natuwa ako nung marinig ko ang kanilang mga pangalan, nagpatuloy naman sa pagkukwento si Michael.

“At yun naman si Fatima anak mayaman din yan pero alam nyo napakabait nyan at palabiro kaya madami ang natutuwa sa kanya dito” patuloy ni Michael

“Fatima?” sambit ko habang napapangiti ako

“o bakit Anghelo kilala mo ba?” tanong ni Dindo

“ahh hindi pero ang gaan gaan ng loob ko sa kanya” ngiti kong tugon

At nagpatuloy uli si Michael sa kanyang pagpapakilala

“At yung dalawang yun naman ay si Josh at Harvey ang dalawang pinaka gwapo, pinaka sikat at pinaka mayaman na estudyante dito sa campus, Si Josh na ngayon ang team captain ng basketball team at si Harvey naman sa football team, mabait yung dalawang yan at palakaibigan kaya andaming estudyante dito ang gustong gustong mapalapit sa kanila” kwento ni Michael

“Josh at Harvey?” tugon ko na nagpangiti muli sa akin

“grabe ang gugwapo nila hayz sana makilala at maging kaibigan ko din sila” tugon ni Marie habang patuloy na kinikilig

“magtigil ka nga marie alam mo namang langit sila at lupa tayo, malabong makipag kaibigan yan sa mga tulad nating mahihirap noh” tugon ni Dindo

“o Anghelo bat tulala ka diyan wag mo sabihing pati ako uunahan mo pang makipag kaibigan sa kanila ha” biro ni Marie

“hindi parang may nararamdaman lang ako na parang kilalang kilala ko sila” ngiti kong tugon

“ikaw talaga Anghelo ano ano naiisip mo eh, imposible naman yun noh” tugon ni Dindo

“alam nyo at least ngayon si Harvey makikita mo nang tumatawa at ngumingiti dati kasi lagi seryoso yung mukha niyan” wika ni Michael

“bakit naman?” tanong ni Dindo at Marie

“kasi naging malungkutin yang si Harvey mula nung mamatay yung matalik nilang kaibigan ni Josh, ang balita ko namatay daw sa aksidente sa barko, hindi matanggap ni Harvey yung pagkamatay nung matalik nilang kaibigan kasi mukhang hindi man siya dito nakapag paaalam at may samaan sila ng loob bago ito mamatay” kwento ni Michael

“naku grabe naman pala yung nangyari” tugon ni Marie

“kung sakin din siguro mangyari yun ganun din ang mararamdaman ko” tugon ni Dindo

“oo mahal na mahal nila yung kaibigan nilang yun, kaya ganyan nalang ang epekto nito kay Josh at Harvey” tugon ni Michael

Samantala sa kinaroroonan nila Josh at Harvey...

“guys libre nyo naman ako plsss” paglalambing ni Elton sa dalawa habang hinahawakan ang mga braso nito

“kayo nalang tinatamad ako eh” tugon ni Harvey

“saka nalang Elton masakit pa nga katawan ko sa practice namin kanina sa basketball eh” ngiting tugon ni Josh

Nilapitan naman ni Tom at Beth kasama ang mga dati kong kaklase si Fatima

“Fatima look at Elton is he trying to be Jey?” natatawang tanong ni Beth

“huh? Ok ka lang? that will never happen ang layo sa kanya ni Jey noh, besides si Jey pa usually sinusuyo ni Josh at Harvey eh siya tingnan mo nga kulang nalang gayumahin nya yung dalawa para mapalapit lang sa kanya hahaha” natatawang tugon ni Fatima

“tama ka diyan Fatima hahaha” tugon ni Tom habang tumatawa

“by the way guys nood kayo laban namin bukas sa basketball ha, wag kayo mawawala” ngiting sambit ni Josh

“sure ikaw pa” ngiting tugon ni Kate

“hinding hindi kami mawawala” ngiting tugon ni Grace

“ay baka hindi ako makarating busy kasi ako eh” tugon ni Elton na halatang sinusubukan si Josh kung pipilitin siya nito

“sige ok lang Elton” ngiting tugon ni Josh

Bigla namang natawa sila Fatima at mga dati ko pang kaklase sa tugon ni Josh

“kita nyo na guys kasi kung si Jey yan malamang nabatukan na ni Josh at Harvey yan pag tumanggi manood sa kanila” mahinang sambit ni Fatima habang natatawa

“oo nga eh” dagdag ni Robert habang natatawa din

“oo naaalala ko pa nun si Jey hindi makatakas pag may laro si Josh” natatawang tugon ni Beth

Kinabukasan ay bumalik kami sa school upang tapusin ang enrollment, maaga naman kaming natapos kaya naisipan naming tumambay muna.

“tara dun muna tayo sa Gym” aya ni Michael

“bakit ano meron dun?” tanong ko

“may laban yung basketball team natin, kalaban yung kabilang school” tugon ni Michael

Nauna kami kay Michael at pumunta kami sa Gymnasium, grabe ang dami ng tao na nanonood at napakalakas pa ng hiyawan maririnig mo din ang pagsigaw lalo na ang mga kababaihan at kalalakihan sa pangalan ni Josh. Habang naghahanap kami ng mauupuan ay nakakita kami ng mga bakanteng upuan sa may harap kung saan makikita mo kung ilan lamang ang mga nakaupo ngunit nung papasok kami ay pinigilan kami ng isang estudyante.

“excuse me pero hindi pwedeng pumasok dito sa area na ito, naka reserba ito para sa mga kaibigan at malapit sa players ng basketball team” wika nung estudyante

Bigla naman dumating si Michael

“o ano ginagawa nyo? Hindi tayo pwede pumasok diyan VIP area ng mga kaibigan at malapit lang sa basketball team ang pwedeng umupo diyan” paliwanag ni Michael

“di naman namin alam” tugon ni marie

Naghanap nalang kami ng ibang mauupuan at nakakita kami sa taas sa may dulong bahagi ng gymnasium ng mga bakanteng upuan at umupo na lamang dun. Kahit malayo ay kitang kita namin ang galing ng basketball team lalong lalo na ang team captain nilang si Josh sa paglalaro. Maya maya ay nakita namin ang grupo ni Harvey na pumasok na sa VIP area upang manood ng laro. Pinagmamasdan ko sila Ricky, Ben, Robert, Tom at Beth lalong lalo na sila Fatima at Harvey may kakaibang tuwa akong nararamdaman pag nakikita ko sila.

“Grabe ang guwapo talaga ni Josh” si Marie habang kinikilig

“naku Marie nag ilusyon ka nanaman, goodluck nalang sayo kung mapansin ka nya” biro ni Dindo

“actually may mga naging girlfriend yang si Josh puro pa mga naging Ms. University, kaso hindi din sila nagtagal ng mga naka relasyon nya karamihan naman kasi sa kanila kung ano iginanda ganun naman kapangit mga ugali, parang si Harvey may mga naka relasyon din pero di sila nagtatagal dahil din sa ugali ng mga babae pero bilib naman ako kay Grace talagang ayaw sumuko sa paghahabol kay Harvey kahit matagal na silang tapos” natatawang kwento ni Michael

“pabayaan nyo na ako noh hindi naman masamang mangarap eh” tugon ni Marie habang nakatingin parin kay Josh

Makalipas ang isang oras, dahil tinambakan na din ng basketball team ang kalaban ay naisipan na ng aking mga kaibigan na umalis para di na kami mahirapan pa pagkatapos ng laro.

“Guys tara na sigurado mahihirapan tayong lumabas nyan pag natapos yung laro sigurado na din naman panalo ng team natin eh” aya ni Michael

Tumayo na din si Marie at Dindo ngunit ako ay patuloy pa din nanonood at parang walang narinig.

Samantala sa kinaroroonan ni Josh

“o Guys puntos pa ulit tayo kahit malaki na lamang natin di tayo dapat pakampante” utos ni Josh

“ok!” sigaw ng kanyang team mates

Habang nagdidrible si Josh at bumubwelo ay bigla siyang napatingin sa taas sa aking kinaroroonan at nakita ako

(Paki play po)

“J- Jey” nauutal na sambit ni Josh habang natulala siya

Itutuloy...

Author’s note:

Hayan na po ang wakas wala na imaginin nyo nalang mangyayari hahaha! Joke lang!